Ijtimoiy fanlar kafedrasi

Farg‘ona  universitet tarkibidagi “Tibbiyot Markazi” Toshkent davlat 2-tibbiyot institutining Farg‘ona filialiga aylantirilgan 1998-yili “Ijtimoiy-gumanitar fanlar” kafedrasi nomi bilan ish boshlagan. TTA FF direktorining 2019-yil 18-avgustdagi  282- sonli buyrug‘i bilan kafedra “Ijtimoiy fanlar” kafedrasi  deb qayta  nomlandi. Kafedrani 2019-yildan avgust oyidan boshlab falsafa fanlar nomzodi, dotsent N.Q.Mamadaliev boshqarib kelmoqda.

Kafedrada quyidagi fanlar o‘qitiladi:

   Ijtimoiy fanlar kafedrasi dotsenti. 1953-yil 21-mayda Farg‘ona tumanidagi Chimyon qishlog‘ida kolxozchi dehqon oilasida tug‘ilgan. 1977-yili Farg‘ona davlat pedagogika instituti O‘zbek tili va adabiyot fakultetini, 1982-yili shu institut sirtqi bo‘lim tarix fakultetini tamomlagan. 1985-1988-yillari Nizomiy nomidagi Toshkent davlat pedagogika instituti Falsafa kafedrasi qoshidagi asperanturada o‘qigan. 1988-yil 19-aprelda shu institutning ixtisoslashgan ilmiy kengashida “Sotsialistik jamiyatda mehnat madaniyatning rivojlanish jarayoni dialektikasi ( ilmiy rahbar: f.f.d. prof A.S. Agaronyan) mavzusidagi nomzodlik dissertatsiyasini muvaffaqiyatli himoya qilgan. 2016-2019-yillarda O‘zbekiston Milliy universitetining falsafa tarixi va mantiq kafedrasida mustaqil tadqiqotchi sifatida “Xojamnazar Huvaydo diniy-mistik qarashlarining XVII – XVIII asrlar Markaziy Osiyo tasavvufi rivojidagi o‘rni” mavzusidagi doktorlik disertatsiyasini yakunladi va O‘zbekiston Milliy universiteti qoshidagi Ixtisoslashgan kengashning 2020-yil 11-yanvardagi majlisida doktorlik dissertatsiyasini muvaffaqqiyatli himoya qildi. Q. Ro‘zmatzoda Falsafa, Sotsiologik fanlari bo‘yicha darslik, o‘quv qo‘llanmalari, 10 ga yaqin monografiya, 200 ga yaqin ilmiy maqolalar chop ettirgan.  

FJSTI “Ijtimoiy fanlar” kafedrasining dotsenti, iqtisodiyot fanlari doktori. Iqtisodchi – pedagog, tadbirkor. 1958 yil 15-sentyabrda Fargʼona viloyati Toshloq tumanida tugʼilgan. Millati oʼzbek. Mehnat faoliyatini 1976 yili Fargʼona viloyati “Sugʼorish sistemalari” boshqarmasining loyihalash guruxida ishchi boʼlib boshlagan. 1980 yilda Toshkent Xalq Xoʼjalik Institutini tugatib, xarbiy hizmatni oʼtagan. 1982 yildan Oʼrta Osiyo Qishloq xoʼjaligi iktisodiyoti ilmiy-tekshirish instituta Fargʼona boʼlimi kichik ilmiy xodimi va 1984 yildan Fargʼona Davlat Pedagogika institutida “Siyosiy iqtisod” kafedrasi oʼqituvchisi boʼlib, ilmiy, pedagogik faoliyatini boshlagan. 1987 yildan boshlab, Sankt-Peterburg Davlat moliya va iqtisodiyot universitetida maqsadli aspirantura, doktoranturada oʼqigan va 1992 yilda “Аgrosanoat kompleksi mahsulotini taqsimlash” mavzusida kandidatlik, 1997 yilda “Tadbirkorlik strukturalarining shakllanishi va amal qilishining mintaqaviy omillari” (Oʼzbekiston misolida) mavzusida (08.00.01 –iqtisodiyot nazariyasi) doktorlik dissertatsiyasini yoqlab, iqtisodiyot fanlari doktori unvonini olgan. (Nostrifikatsiya Oʼz.R, OАKda: diplom 04 № 007382. 31.01.2023y.). 1997 yildan boshlab, Fargʼona Davlat Universiteti “Iqtisodiyot nazariyasi” kafedrasining katta oʼqituvchisi, dotsenti va 2001 yildan”Iqtisodiyot” kafedrasining dotsenti, 2003-2005 yillarda mudiri vazifasini bajargan. 2006 yildan boshlab “Аbdumutalobod” innovatsiya markazi mchj – rahbari sifatida tadbirkorlik faoliyati bilan shugʼullanib kelgan. 2021 yildan boshlab va hozirda FJSTI “Ijtimoiy fanlar” kafedrasining dotsenti lavozimida ishlab kelmoqda. Iqtisodiyot nazariyasi, Iqtisodiyot, Marketing, Menejment, Farmatsiya iqtisodiyoti, Moliyaviy savodxonlik fanlari boʼyicha – rus, oʼzbek tillarida talabalarga dars oʼtadi. “Yosh tadbirkor” talabalar toʼgarak rahbari. 100 dan ortiq ilmiy ishlar muallifi. Monografiyalar: “Raspredelenie produkta АPK” (SPb, 1992), “Predprinimatelьstvo: sushnostь i osnovnыe komponentы» (SPb, 1995), “Stanovlenie predprinimatelьstva v Uzbekistane” (SPb, 1997), “Oʼzbekistonda tadbirkorlik evolyutsiyasi”(T.2025). Oʼquv qoʼllanmalar: “Internet-marketing chastnыx meditsinskix uchrejdeniy. Spetskurs. El.bib.res.(F.2025), “Internet Marketing of Private Medical Institutions”. Educ. and Method. Complex. (El.bib.res. Fergana, 2024), “Marketing, menedjment” (Uch.pos. T.2025), “Predprinimatelьskie navыki” (Uch.pos. T.2025), 2022 yildan “Science & Innovation” xalqaro ilmiy jurnalning tahririyat aʼzosi sifatida faoliyat koʼrsatib kelmoqda.

Yusupov Azamjon Abdulladzhonovich

– tarix fanlari bo‘yicha falsafa doktori, tarixchi, tarixi va jamiyatshunoslik fani o’qituvchisi, Farg‘ona Jamoat salomatligi tibbiyot instituti “Ijtimoiy fanlar” kafedrasi katta o‘qituvchisi.   1959 yil 4 dekabrda Tojikiston SSR Regar shahrida oddiy dehqon oilasida tug‘ilgan.  1981-1986 yillarda Toshkent davlat universiteti tarix fakulteti kunduzgi bo‘limida taxsil olgan. 1986–1989 yillarda Farg‘ona viloyati Oltiariq tumani 1-o‘rta maktabda o‘qituvchi bo‘lib ishlagan.  1989 yildan mehnat faoliyatini Farg'ona davlat pedagogika instituti “KPSS tarixi” kafedrasi o'qituvchisi sifatida davom ettirgan.  1989–2008 yillarda Farg‘ona davlat universitetida turli lavozimlarda, jumladan, katta o‘qituvchisi, dekan o’rinbosari, Xalqaro aloqalar bo’limi boshlig‘i, dekani vazifasini vaqtincha bajaruvchi, Marketing bo‘limi boshlig‘i vazifalarida faoliyat olib borgan. Bir necha yil tadbikorlik bilan shug‘ullandi hamda 2008–2010 yy. - Fargona viloyati “Matlubotsavdo” AK qoshidagi qishloq xo’jalik mahsulotlarini ulgurji xarid qilish va sotish korxonasi direktori, 2010–2012 y. - “Oltiariq Frukoviy Ray” agrofirmasi direktori bo’lib ishladi. 2012 yildan yana oliy ta’lim muassasiga qaytib 2024 yilga qadar - Fargona politexnika institutida ishladi. 2013–2016. – Farg‘ona politexnika instituti “O‘zbekiston tarixi” kafedrasi mudiri vazifasini vaqtincha bajardi. 2022 yilda tarix fanlari doktori, O'zbekiston Xalqaro Islom Akademiyasi professori Saidakbar Agzamxo'jaev rahbarligida 07.00.01. – O’zbekiston tarixi yo‘nalishida “Turkiston sarmoyadorlari” mavzusida tarix fanlari bo’yicha falsafa fanlari doktori ilmiy darajasini oldi. U o‘zining faoliyati davomida 30 dan ortiq maqolalar, 50 dan ortiq tezislar, monografiya va ko‘plab o‘quv qo‘llanmalar chop ettirgan.  

Xolmatov Shaxobidin Jumabaevich – falsafa fanlari nomzodi.

Farg`ona jamoat Salomatligi Tibbiyot Instituti, Ijtimoiy fanlar kafedrasi dotsenti. 1962-yil Farg‘ona viloyati Quva tumanida dexqon oilasida tug‘ilgan. 1984-yilda Toshkent Davlat universiteti falsafa iqtisod fakulteti, falsafa yo‘nalishini tamomlagan. 1984-1989 yillarda Farg`ona politexnika instituti Falsafa kafedrasi asistenti lavozimida ishlagan. 1989-1991yillar Toshkent Davlat universiteti aspiranturasida tahsil oltgan. 1992-2025 yillar orasida FarDU, TTA FF, TATU FF larida  ma`naviy ma`rifiy ishlar bo`yicha direktor o’rinbosari, kafedra mudiri va turli ta’lim muassasalarida rahbarlik lavozimlarida ishlagan. 2025 yil 3 sentyabrdan Farg`ona jamoat Salomatligi Tibbiyot Instituti, Ijtimoiy fanlar kafedrasi dotsenti lavozimida faoliyat yuritib kelmoqda. Sh.J.Xolmatov, shu kungacha bosib o’tgan ilmiy–pedagogik faoliyati davomida 40 dan ortiq ilmiq maqolalar, 60 dan ortiq tezislar, ko‘plab o‘quv-uslubiy ko’rsatma, o’quv qo‘llanma va  darslik chop ettirgan. 

Egamnazarov A’zamjon Imomnazarovich - tarix fanlari nomzodi.

Ijtimoiy fanlar kafedrasi kata o‘qituvchisi. 1961-yil 1-iyunda Farg‘ona viloyatining Rishton  tumani Zohidon qishlog‘ida tug‘ilgan. 1984-yilda ToshDU (hozirgi O‘zMU)ning falsafa-iqtisod fakultetining Falsafa bo‘limini tamomlagan va yo‘llanma bilan Farg‘ona politexnika instituti “Falsafa” kafedrasiga ishga yuborilgan. 1987-1991-yillarda Farg‘ona Davlat Universiteti Falsafa kafedrasida o‘qituvchi bo‘lib ishlagan. 1992-1994-yillarda Turkiyaning izmir shahridagi Dokuz Eylul universitetining Jamiyatni boshqarsh bo‘limida doktoranturada “Markaziy va mahalliy boshqaruv: muammo va echimlar” mavzusida doktorlik ishi bo‘yicha ilmiy tadqiqot ishlari olib borgan. 1994-2013-yilgllarda FarDU Falsafa kafedrasida o‘qituvchi, katta o‘qituvchi hamda magistratura bo‘limi rahbari lavozimlarida ishlagan. 2017-yildan  Farg‘ona jamoat salomatligi tibbiyot instituti Ijtimoiy fanlar kafedrasida o‘qituvchi lavozimida ishlab kelmoqda. A.I. Egamnazarov 2 ta o‘quv qo‘llanma (hammualliflikda), 1 ta monografiya, 5 ta uslubiy qo‘llanma, 60 dan ortiq ilmiy maqola va tezislar muallifi.

Umarova Musharraf Yunusaliyevna

“Ijtimoiy fanlar” kafedrasi o‘qituvchisi. 1984-yil 23-oktyabr sanasida Farg‘ona viloyati Rishton tumanida tug‘ilgan. 1991-2001 yillarda Rishton tumanidagi 38-umumta’lim maktabida ta’lim olgan. 2003-2008 yillarda Qo‘qon Davlat Pedagogika Institutida(bakalavr), 2021-2023 yillarda Farg‘ona Davlat Universitetida (magistr) tahsil oldi.U o‘z mehnat faoliyatini 2005 yilda Rishton tumani 38-umumta’lim maktabida tarix fani o‘qituvchisi lavozimidan boshlagan. 2008-2011- yillarda Farg‘ona shahar 4-umumta’lim maktabida, 2011-2023 yillarda Farg‘ona Davlat Universiteti akademik litseyining ijtimoiy-gumanitar  fanlar kafedrasi tarix fani o‘qituvchisi lavozimida ishlagan.2023 yildan esa Farg‘ona jamoat salomatligi tibbiyot instituti “Ijtimoiy fanlar” kafedrasi lavozimida mehnat  faoliyatini davom ettirib kelmoqda. Musharraf Umarova o‘z mehnat faoliyati davomida 10 dan ziyod ilmiy maqolalar hamda 20  ga yaqin ilmiy tezislar muallifidir. Hozirda Tarix fanlari doktori B.Usmonov rahbarligida “Gavharshodbegimning Temuriylar davlatini siyosiy, iqtisodiy, madaniy hayotida tutgan o‘rni” mavzusida (070001) nomzodlik dissertatsiyasi ustida ishlamoqda.   

  Kafedraning ilmiy-tadqiqot ishlari

Xalqaro fakultet Ijtimoiy fanlar kafedrasida hozirda 14 nafar xodim asosiy shtatda faoliyat yuritadi. Kafedra o‘z faoliyatida nafaqat ta’lim-tarbiya jarayonini, balki ilmiy-tadqiqot ishlarini ham ustuvor yo‘nalish sifatida belgilagan. Kafedra a’zolari zamonaviy ijtimoiy, gumanitar, tarixiy hamda falsafiy masalalarni chuqur o‘rganish orqali jamiyat taraqqiyotiga ilmiy asosda hissa qo‘shib kelmoqda. Kafedraning barcha xodimlari kafedra va institut miqyosidagi ilmiy-tadqiqot ishlarida faol ishtirok etadi.

Ilmiy salohiyat

Hozirgi kunda kafedrada quyidagi ilmiy daraja va maqomga ega xodimlar ilmiy faoliyat olib bormoqda:

2 nafar DSc, fan doktori: Ro‘zmatzoda Q., Xadjimuratov A.

3 nafar fan nomzodi: Mamadaliyev N., Xolmatov Sh., Saliyev U.

1 nafar PhD (tarix fanlari bo‘yicha falsafa doktori): Yusupov A.

6 nafar mustaqil izlanuvchi: Egamnazarov A., Qosimov K., Umarova M., Maxmudov O‘., Umarov Sh., Rustamov U.

Ilmiy yo‘nalishlar: Kafedraning ilmiy-tadqiqot ishlari quyidagi yo‘nalishlarda olib borilmoqda: yosh avlodni mustaqillik g‘oyalariga sadoqat ruhida tarbiyalash; yoshlarning huquqiy madaniyatini shakllantirish; zamonaviy tibbiyot fanining falsafiy muammolari; O‘zbekiston davlatchiligi tarixi va uning turli jihatlari; xorijiy talabalar uchun O‘zbekiston tarixi va madaniyatini o‘qitish metodikasi. 

Nashrlar va ilmiy natijalar

Kafedra mudiri boshchiligida ilmiy-tadqiqot ishlariga alohida e’tibor qaratilib, professor-o‘qituvchilar muntazam ilmiy izlanishlar olib borib, o‘z bilim va salohiyatini oshirib kelmoqda. Ilmiy faoliyat natijasida kafedra a’zolari tomonidan har yili o‘nlab ilmiy maqolalar respublika hamda xorijiy jurnallarda chop etilmoqda.

So‘nggi 5 yil davomida kafedra xodimlari tomonidan 350 dan ortiq ilmiy ishlar nashr etilgan bo‘lib, jumladan:

7 ta o‘quv qo‘llanma

6 ta monografiya

30 ta elektron dastur yetakchi respublika va xalqaro jurnallarda 80 dan ortiq ilmiy maqola shuningdek, 5 ga yaqin o‘quv-uslubiy qo‘llanma va uslubiy tavsiyanomalar Nashr etilgan o‘quv va o‘quv-uslubiy adabiyotlar tibbiyot oliy ta’lim muassasalari talabalari uchun qo‘shimcha manba sifatida foydalanilmoqda.

Konferensiya va anjumanlardagi ishtirok

Kafedra xodimlari respublika va xorijiy ilmiy anjumanlar hamda konferensiyalarda ma’ruza va tezislari bilan muntazam qatnashib kelmoqda. Talabalar ilmiy faoliyati Kafedrada nafaqat xodimlar, balki talabalarning ilmiy faoliyati ham qo‘llab-quvvatlanadi. Talabalar bilan hamkorlikda olib borilayotgan ilmiy izlanishlar ularning mustaqil fikrlash va tahlil ko‘nikmalarini rivojlantirmoqda. Professor-o‘qituvchilar rahbarligida talabalar respublika va xalqaro jurnallarda maqolalar chop ettirib, nufuzli konferensiya va anjumanlarda ishtirok etmoqda. Kafedraning iqtidorli talabalari O‘zbekiston Respublikasi fan olimpiadalarida qatnashib, sovrinli o‘rinlarni egallab kelmoqda. Iqtidorli talabalar safidan: G‘aniyeva D., Rasulova F., Omonova M., Olimjonova M., Iqboljonova M., Muhammadjonova M., Gulzar Muzamil, Nadiminti Himagiri kabi talabalar alohida e’tirofga loyiq.

Kafedra ma‘naviy-ma‘rifiy ishlari

Yosh avlodga g‘amxo‘rlik qilish, sog‘lom va barkamol shaxsni tarbiyalash o‘zbek xalqining muhim milliy qadriyatlaridan biridir. Shu bois, Farg‘ona jamoat salomatligi tibbiyot instituti “Ijtimoiy fanlar” kafedrasi faoliyatida ma’naviy-ma’rifiy ishlar ustuvor yo‘nalishlardan sanaladi. Kafedrada ma’naviy-ma’rifiy tadbirlar tasdiqlangan yillik reja asosida tizimli amalga oshiriladi. Ushbu yo‘nalishdagi ishlarni mas’ul o‘qituvchi Sh.U. Umarov muvofiqlashtiradi. Kafedra professor-o‘qituvchilari talabalarga odob-axloq, kiyinish madaniyati, sog‘lom turmush tarzi, ijtimoiy tarmoqlardan to‘g‘ri foydalanish, huquqbuzarlik, giyohvandlik, axloqsizlik kabi salbiy illatlarning oldini olish, shuningdek, ekstremizm va radikal g‘oyalardan asrash bo‘yicha muntazam ma’rifiy suhbatlar olib boradi. Shuningdek, Prezident tashabbuslari doirasida “Murojaatnoma”, “Yoshlarni ekstremizm g‘oyalaridan asrash – barqarorlik omili”, “Internetda ekstremizm targ‘ibotidan 

Xalqaro hamkorlik

Farg‘ona jamoat salomatligi tibbiyot instituti, Ijtimoiy fanlar kafedrasi xalqaro hamkorlikni rivojlantirishga alohida e’tibor qaratadi. Kafedra xorijiy oliy ta’lim muassasalari, ilmiy markazlar hamda xalqaro tashkilotlar bilan hamkorlik aloqalarini yo‘lga qo‘yish orqali professor-o‘qituvchilarning ilmiy salohiyatini oshirish, talabalarning bilim doirasini kengaytirish va ta’lim jarayonini xalqaro standartlarga yaqinlashtirishni maqsad qilgan.

Hamkorlikning asosiy yo‘nalishlari

• xorijiy universitetlar bilan qo‘shma ilmiy tadqiqotlar olib borish;
• akademik almashinuv dasturlari orqali o‘qituvchilar malakasini oshirish;
• kafedra a’zolarining xalqaro konferensiya va seminarlarda faol ishtirokini ta’minlash;
• ilmiy maqolalarni xorijiy nufuzli jurnallarda chop etish;
• xalqaro tashkilotlar bilan ta’lim loyihalarini amalga oshirish.

Bugungi kunda kafedra Turkiya, Qozog‘iston, Qirg‘iziston, Rossiya hamda Yevropa mamlakatlaridagi oliy ta’lim muassasalari bilan samarali aloqalarni yo‘lga qo‘ygan. Ushbu hamkorlik talabalarga xalqaro tajriba asosida ta’lim berish, fanlararo tadqiqotlarni rivojlantirish va ijtimoiy fanlar yo‘nalishida raqobatbardosh mutaxassislarni tayyorlashga xizmat qilmoqda.

Ilmiy to‘garak “Yosh tarixchi.”

Farg‘ona Jamoat Salomatligi Tibbiyot Instituti “Ijtimoiy fanlar” kafedrasida talabalarning ilmiy-tadqiqot faoliyati “Yosh tarixchi” nomli talabalar ilmiy to‘garagi orqali yo‘lga qo‘yilgan. To‘garak faoliyati tarixiy mavzularda suhbatlar, tarixiy shaxslar hayoti va faoliyati, mustaqil ilmiy izlanishlar olib borish va ilmiy-amaliy konfrensiyalarda ishtirok etish,tarixiy sanalarni nishonlashda faol ishtirok etish va ma’naviy-ma’rifiy tadbirlarni tashkil etish orqali olib boriladi. To‘garak faoliyati tarix qiziquvchi barcha talabalarni o‘z ichiga oladi. A’zolar o‘z yutuqlari bilan rag‘batlantirilib, kafedra bilan hamkorlikda faol ilmiy muhitda ishlashmoqda.