Virtual qabulxona
uz O'zbekcha

+998 95 044-23-45 +998 95 048-23-45

info@fjsti.uz fmioz@mail.ru

ish vaqti:

Dush-Shan,9:00-17:00

Pediatriya kafedrasi

Bosh sahifa

Pediatriya kafedrasi

Pediatriya kafedrasi

Toshkent tibbiyot akademiyasi Farg‘ona filiali 2020-yil 18-avgustdagi №282-sonli buyruq asosida, Davolash ishi va Pediatriya yo‘nalishlarida mutaxassislik hamda maxsus fanlarni o‘qitish yo‘lga qo‘yilgani munosabati bilan “Pediatriya” kafedrasi tashkil etilgan.

Kafedra Farg‘ona viloyati bolalar ko‘p tarmoqli tibbiyot markazi bazasida joylashgan.
Kafedraning  tarixi
Toshkent tibbiyot akademiyasi Farg‘ona filialining 2020-yil 18-avgustdagi №282-sonli buyrug‘iga asosan Davolash ishi va Pediatriya yo‘nalishlarida mutaxassislik hamda maxsus fanlarni o‘qitish yo‘lga qo‘yilishi munosabati bilan “Pediatriya” kafedrasi tashkil etildi. Kafedra Farg‘ona viloyati bolalar ko‘p tarmoqli tibbiyot markazi qoshida faoliyat yuritib kelmoqda.
Kafedrada o‘qitiladigan fanlar
Kafedra professor-o‘qituvchilari tomonidan quyidagi fakultet va yo‘nalishlar bo‘yicha ta’lim jarayoni amalga oshiriladi:
Davolash fakulteti:
  • Bolalar kasalliklari propedevtikasi
  • Pediatriya
  • Neonatologiya
  • Ambulator-poliklinik pediatriya
Mazkur fanlardan Davolash ishi yo‘nalishi talabalari uchun ma’ruza, amaliy mashg‘ulotlar va klinik o‘quv amaliyotlari o‘tiladi.
Xalqaro fakultet:
  • Bolalar kasalliklari propedevtikasi
  • Pediatriya
  • Neonatologiya
  • Ambulator-poliklinik pediatriya
Ushbu fanlardan Davolash ishi yo‘nalishi xorijiy talabalari uchun ma’ruza, amaliy mashg‘ulotlar va klinik o‘quv amaliyotlari tashkil etiladi.
Pediatriya fakulteti:
  • Pediatriya va neonatologiya fanlaridan Pediatriya ishi yo‘nalishi talabalari uchun ma’ruza, amaliy mashg‘ulotlar hamda klinik o‘quv amaliyotlari olib boriladi.
Amaliyot va ilmiy faoliyat
Kafedra tomonidan Davolash ishi, Pediatriya va Stomatologiya yo‘nalishlari talabalarining ishlab chiqarish amaliyotlariga rahbarlik qilinadi. Shuningdek, Pediatriya mutaxassisligi bo‘yicha magistratura talabalariga Ilmiy-pedagogik ish, Ilmiy-tadqiqot ishi, magistrlik dissertatsiyalarini tayyorlash va himoya qilish jarayonlarida ilmiy rahbarlik amalga oshiriladi. Profilaktik pediatriya va Ijtimoiy pediatriya fanlaridan dars mashg‘ulotlari o‘tiladi.
Kafedra Pediatriya va neonatologiya, Bolalar anesteziologiya va reanimatologiyasi, Bolalar nefrologiyasi (gemodializ bilan), Bolalar immunologiya-allergologiyasi mutaxassisliklari bo‘yicha klinik ordinatura talabalariga ham rahbarlik qiladi.
Bugungi faoliyat
2025–2026 o‘quv yilida kafedrada jami 19 nafar xodim faoliyat yuritmoqda. Shundan 13 nafar professor-o‘qituvchi asosiy ish o‘rinlarida, 6 nafari tashqi o‘rindoshlik asosida faoliyat olib bormoqda. Kafedraning asosiy shtat bo‘yicha ilmiy salohiyati 5 foizni, tashqi va ichki o‘rindoshlar bilan birgalikda 11 foizni tashkil etadi.
2025-yilda kafedraning 5 nafar xodimi (Anvarova Z.Q., Abdullayev S.S., Tashmamatova D.K., Axmedova Y.A., Alimova I.A.) PhD — falsafa doktori ilmiy darajasini, 1 nafar xodimi (Shermatov R.M.) DSc — Doctor of Science ilmiy darajasini olish maqsadida mustaqil izlanuvchilik institutiga hujjat topshirishga muvaffaq bo‘ldi.
Kafedra jamoasi o‘quv, ilmiy-tadqiqot, klinik-amaliy hamda ma’naviy-ma’rifiy yo‘nalishlarda samarali faoliyat yuritib, zamonaviy tibbiyot talablari asosida yuqori malakali va raqobatbardosh mutaxassislar tayyorlashga munosib hissa qo‘shib kelmoqda. Kafedraga 2020-yildan boshlab vrach-pediatr, tibbiyot fanlari nomzodi R.M. Shermatov rahbarlik qilib kelmoqda.
  
Shermatov Rasuljon Mamasiddiqovich
Tibbiyot fanlari nomzodi, dotsent, vrach-pediatr
 
Shermatov Rasuljon Mamasiddiqovich 1966-yil 5-avgustda Farg‘ona viloyati, Buvayda tumanida tug‘ilgan. Ma’lumoti: 1992-yil — Andijon davlat tibbiyot instituti, Pediatriya fakulteti. Mutaxassisligi: vrach-pediatr. Mehnat faoliyati: 1994-yildan Farg‘ona jamoat salomatligi tibbiyot institutida faoliyat yuritib kelmoqda. Mehnat faoliyatini kafedra assistenti lavozimidan boshlagan. Keyingi yillarda kafedra katta o‘qituvchisi, dotsenti, o‘quv bo‘limi boshlig‘i va rahbarlik lavozimlarida ishlagan. Hozirgi kunda “Pediatriya” kafedrasi mudiri lavozimida faoliyat yuritmoqda. Ilmiy daraja: 2011-yil — tibbiyot fanlari nomzodi (PhD). Ilmiy-pedagogik faoliyati: 32 yillik ilmiy-pedagogik va 36 yillik amaliy tibbiyot tajribasiga ega. 50 dan ortiq ilmiy maqola, 100 dan ortiq tezislar hamda kop'pab monografiya va o‘quv qo‘llanmalar muallifi. Bog‘lanish uchun: E-mail: r.m.shermatov@mail.ru. Telefon: +99891 206-02-23, +99899 605-77-08
Axmedova Yelena Aleksandrovna
“Pediatriya” kafedrasining katta o‘qituvchisi
Axmedova Yelena Aleksandrovna 1988-yil 16-fevralda Farg‘ona shahrida tug‘ilgan. Ma’lumoti: 2012-yil — Andijon davlat tibbiyot instituti, Pediatriya fakulteti (bakalavr). 2015-yil — “Shifokor-pediatr” mutaxassisligi bo‘yicha magistratura. To‘liq oliy tibbiy ma’lumotga ega. Mehnat faoliyati: Mehnat faoliyatini 2015-yilda Farg‘ona shahridagi Ko‘p tarmoqli poliklinikada shifokor-pediatr lavozimida boshlagan. Keyingi yillarda tibbiy va pedagogik faoliyatni uyg‘unlashtirgan holda tibbiy ta’lim sohasida o‘z malakasini muntazam oshirib kelmoqda. Hozirgi kunda “Pediatriya” kafedrasining katta o‘qituvchisi lavozimida faoliyat yuritib kelmoqda. Umumiy pedagogik ish staji 9 yilni tashkil etadi. Ilmiy-tadqiqot faoliyati: Axmedova Yelena Aleksandrovna ilmiy-tadqiqot faoliyati bilan shug‘ullanib, quyidagi mavzuda dissertatsiya ishi ustida ilmiy izlanishlar olib bormoqda: “Klinik holatlar asosida integrativ yondashuv orqali pediatriya o‘qitish metodikasini takomillashtirish”. Ilmiy va uslubiy ishlari: Kasbiy faoliyati davomida 50 dan ortiq ilmiy maqolalar, 70 ga yaqin ilmiy tezislar chop ettirgan. Shuningdek, “Qon kasalliklari bo‘lgan bolalarda stomatologik yordamning o‘ziga xos xususiyatlari” nomli monografiya, “Glomerulonefrit”, “Yangi tug‘ilgan chaqaloqlarda sariqlik” nomli o‘quv-uslubiy qo‘llanmalar muallifi hisoblanadi. Bog‘lanish uchun: E-mail: e.awwf3@gmail.com Telefon: +99890 303-01-88
Alimova Iroda Anvarovna
“Pediatriya” kafedrasi assistenti
Alimova Iroda Anvarovna 1964-yil 13-martda Farg‘ona shahrida tug‘ilgan. Ma’lumoti:1987-yil — O‘rta Osiyo Meditsina Pediatriya instituti, “Vrach-pediatr” mutaxassisligi. Mehnat faoliyati: 1988-yildan Farg‘ona viloyati Yuqumli kasalliklar shifoxonasida vrach-infeksionist lavozimida faoliyat boshlagan. Keyingi yillarda tibbiy ta’lim sohasida malakasini oshirib borgan. Mehnat faoliyati davomida quyidagi lavozimlarda ishlagan: Farg‘ona tibbiyot kollejida o‘quv ishlari bo‘yicha direktor o‘rinbosari. Farg‘ona viloyati hokimligining O‘rta maxsus, kasb-xunar ta’limi hududiy boshqarmasi metodik bo‘limi boshlig‘i. PBIMM Farg‘ona mintaqaviy filiali axborot konsalting xizmati rahbari. Hozirgi kunda “Pediatriya” kafedrasining assistenti lavozimida faoliyat yuritmoqda. Umumiy pedagogik staji 20 yilni tashkil etadi. Ilmiy-tadqiqot faoliyati: Alimova Iroda Anvarovna dissertatsiya ishini quyidagi mavzu bo‘yicha olib bormoqda: «Совершенствование системы профилактики инвалидности детей группы риска с раннего возраста как ключевой аспект медико-социальной реабилитации» (Xavf guruhiga kiruvchi erta yoshdagi bolalarda nogironlikning oldini olish tizimini takomillashtirish tibbiy-iqtisodiy reabilitatsiyaning asosiy omili), Farg‘ona viloyati materiallari asosida. Ilmiy va uslubiy ishlari: Kasbiy faoliyati davomida 15 dan ortiq ilmiy maqolalar, 20 ga yaqin tezislar chop etgan. Shuningdek, o‘quv-uslubiy va monografik ishlari: Xammualliflikda: “Tibbiy amaliy ko‘nikmalar to‘plami” (Pediatriya ishi yo‘nalishi talabalari uchun). Yakkamualliflikda: “Sog’lom, be’mor va alohida ehtiyojga ega bolalarni parvarishi”. Monografiya: “Медико-реабилитационные, коррекционно-развивающие технологии нарушения психомоторного развития детей раннего возраста”. Bog‘lanish uchun:. E-mail: alimovairoda304@gmail.com. Telefon: +998911055588
Babadjanova Xursanoy Melibayevna
“Pediatriya” kafedrasi assistenti
Babadjanova Xursanoy Melibayevna 1973-yil 28-aprelda Farg‘ona shahrida tug‘ilgan. Ma’lumoti: 1997-yil — Toshkent pediatriya meditsina instituti (bakalavr). 1998-yil — “Neonatologiya” yo‘nalishi bo‘yicha internatura, vrach-neonatolog mutaxassisligi Mehnat faoliyati: 1998-yildan Farg‘ona viloyat tug‘ruq kompleksi “Chaqaloqlar reanimatsiyasi” bo‘limida vrach-neonatolog lavozimida faoliyat boshlagan. Keyingi yillarda tibbiy ta’lim sohasida malakasini oshirib borgan. Hozirda “Pediatriya” kafedrasining assistenti lavozimida ishlaydi. Umumiy pedagogik staji 14 yilni tashkil etadi. Ilmiy-tadqiqot faoliyati: Xursanoy Melibayevna dissertatsiya ishini quyidagi mavzu bo‘yicha olib bormoqda: «Профилактика задержки речевого и психоречевого развития детей 2-10 лет как фактора риска в условиях воздействия цифровых технологий на примере Ферганской области». (“2-10 yoshli bolalarda xavf omili raqamli texnologiyalar ta’sirida nutqiy va aqliy-nutqiy rivojlanishining orqada qolishini oldini olish, Farg‘ona viloyati misolida”). Ilmiy va uslubiy ishlari: Kasbiy faoliyati davomida 20 dan ortiq ilmiy maqolalar, 30 ga yaqin tezislar chop etgan. Shuningdek, o‘quv-uslubiy va monografik ishlari: Xammualliflikda: “Tibbiy amaliy ko‘nikmalar to‘plami” (Pediatriya ishi yo‘nalishi talabalari uchun). Monografiya: “Clinical features and complications of neonatal jaundice”. Bog‘lanish uchun: E-mail: hursanoy1973@gmail.com Telefon: +99890 6301230
Oxunova Mashxuraxon Jumaboy qizi
“Pediatriya” kafedrasi stajyor-o‘qituvchi, vrach-pediatr
Oxunova Mashxuraxon Jumaboy qizi 1992-yil 26-dekabrda Farg‘ona viloyati, Yozyovon tumanida tug‘ilgan. Ma’lumoti: 2018-yil — Andijon davlat tibbiyot instituti, Pediatriya fakulteti (bakalavr, namunali tamomlagan). 2022-yil — Andijon davlat tibbiyot instituti, Pediatriya mutaxassisligi magistratura (namunali tamomlagan). Mutaxassisligi: vrach-pediatr. Mehnat faoliyati: 2024-yildan Farg‘ona jamoat salomatligi tibbiyot institutida faoliyat boshlagan. Dastlab kafedra stajyor-o‘qituvchi lavozimida ishlagan. Ilmiy-pedagogik faoliyati 2 yilni, amaliy tibbiyotdagi tajribasi esa 7 yilni tashkil etadi. Ilmiy-tadqiqot faoliyati: Hozirda dissertatsiya ishini quyidagi mavzu bo‘yicha olib bormoqda: “3 yoshgacha bolalarda pnevmoniyaning bronxoobstruktiv sindrom bilan kechishining profilaktik chora-tadbirlarini takomillashtirish (Farg‘ona viloyati misolida)”. Ushbu ilmiy-tadqiqot doirasida 8 dan ortiq maqolalar va 17 dan ortiq tezislar chop etilgan. Bog‘lanish uchun: E-mail: ohunovamashhura@gmail.com Telefon: +99891 159-71-44
Anvarova Zilolaxon Qosimjon qizi
“Pediatriya” kafedrasi assistenti, vrach-neonatolog
Anvarova Zilolaxon Qosimjon qizi 1993-yil 12-sentabrda Farg‘ona viloyati, Quva tumanida tug‘ilgan. Ma’lumoti: 2018-yil — Andijon davlat tibbiyot instituti, Pediatriya fakulteti (namunali tamomlagan). 2023-yil — Andijon davlat tibbiyot instituti, Neonatologiya mutaxassisligi (namunali tamomlagan). Mutaxassisligi: vrach-neonatolog. Mehnat faoliyati: 2023-yildan Farg‘ona jamoat salomatligi tibbiyot institutida faoliyat boshlagan. Dastlab kafedra stajyor-o‘qituvchi, keyinchalik kafedra assistenti lavozimlarida ishlagan. Ilmiy-pedagogik faoliyati 3 yilni, amaliy tibbiyotdagi tajribasi 7 yilni tashkil etadi. Ilmiy-tadqiqot faoliyati: Hozirda dissertatsiya ishini quyidagi mavzu bo‘yicha olib bormoqda: “Kredit modul tizimida talabalarning klinik fanlardan o‘quv va mustaqil topshiriqlarini takomillashtirish metodikasi (Neonatologiya fani misolida)”. Shuningdek, faoliyati davomida 10 dan ortiq ilmiy maqolalar, 17 dan ortiq tezislar va 1 darslik chop etilgan. Bog‘lanish uchun: E-mail: anvarovazilola522@gmail.com Telefon: +99891 650-24-01
Gafurov Abduqayum Pattoyevich
“Pediatriya” kafedrasi assistenti, vrach-pediatr
Gafurov Abduqayum Pattoyevich 1966-yil 28-oktyabrda Farg‘ona viloyati, Oltiariq tumanida tug‘ilgan. Ma’lumoti: 1993-yil — Andijon davlat tibbiyot instituti, Pediatriya fakulteti (namunali tamomlagan). Mutaxassisligi: vrach-pediatr. Mehnat faoliyati: 2024-yildan Farg‘ona jamoat salomatligi tibbiyot institutida faoliyat boshlagan. Dastlab kafedra stajyor-o‘qituvchi, keyinchalik kafedra assistenti lavozimlarida ishlagan. Ilmiy-pedagogik faoliyati 2 yilni, amaliy tibbiyotdagi tajribasi 32 yilni tashkil etadi. Ilmiy-tadqiqot faoliyati: Hozirda dissertatsiya ishini quyidagi mavzu bo‘yicha olib bormoqda: “Immun tanqisligi bilan kasallangan bolalarda qonning immunomorfologik ko‘rsatkichlari”. Faoliyati davomida 12 dan ortiq ilmiy maqolalar va 17 dan ortiq tezislar chop etilgan. Bog‘lanish uchun: E-mail: abdukaum745@gmail.com Telefon: +99895 848-48-64
Abdullayev Sardorbek Solijon o‘g‘li
“Pediatriya” kafedrasi assistenti, vrach-pediatr
Abdullayev Sardorbek Solijon o‘g‘li 1992-yil 18-martda Farg‘ona viloyati, Farg‘ona shahrida tug‘ilgan. Ma’lumoti: 2014-yil — Andijon davlat tibbiyot instituti, Pediatriya fakulteti (namunali tamomlagan). 2023-yil — Andijon davlat tibbiyot instituti, Pediatriya mutaxassisligi magistratura (namunali tamomlagan). Mutaxassisligi: vrach-pediatr. Mehnat faoliyati: 2024-yildan Farg‘ona jamoat salomatligi tibbiyot institutida faoliyat boshlagan. Dastlab kafedra stajyor-o‘qituvchi, keyinchalik kafedra assistenti lavozimlarida ishlagan. Ilmiy-pedagogik faoliyati 2 yilni, amaliy tibbiyotdagi tajribasi 5 yilni tashkil etadi. Ilmiy-tadqiqot faoliyati: Hozirda dissertatsiya ishini quyidagi mavzu bo‘yicha olib bormoqda: “Pnevmoniya bilan kasallangan bolalarni ingichka ichakda bo‘ladigan morfofunksional o‘zgarishlari”. Faoliyati davomida 10 dan ortiq ilmiy maqolalar va 17 dan ortiq tezislar chop etilgan. Bog‘lanish uchun: E-mail: sardor8384747@gmail.com Telefon: +99891 119-59-70
Asqarova Feruza G’ayratjon qizi
“Pediatriya” kafedrasi stajyor-o‘qituvchi, vrach-pediatr
Asqarova Feruza G’ayratjon qizi 1998-yil 25-aprelda Farg‘ona viloyati, Oxunboboyev tumanida tug‘ilgan. Ma’lumoti: 2024-yil — Toshkent Pediatriya Tibbiyot instituti, Pediatriya yo‘nalishi. Mutaxassisligi: vrach-pediatr. Mehnat faoliyati: 2025-yildan Farg‘ona jamoat salomatligi tibbiyot institutida stajyor-o‘qituvchi lavozimida faoliyat olib bormoqda. Ilmiy-tadqiqot faoliyati: Hozirda magistrlik ishini quyidagi mavzu bo‘yicha olib bormoqda: “Erta yoshdagi bolalarda laktaza yetishmovchiligi va uni probiotiklar bilan davolash”. Shuningdek, faoliyati davomida 3 dan ortiq ilmiy maqolalar va 5 dan ortiq tezislar chop etilgan. Bog‘lanish uchun: E-mail: feruzaaskarova104@gmail.com Telefon: +99891 122-67-02
Aliyeva Durdonaxon Shuhratjon qizi
“Pediatriya” kafedrasi stajyor-o‘qituvchi, vrach-pediatr
Aliyeva Durdonaxon Shuhratjon qizi 2000-yil 19-avgustda Farg‘ona viloyati, Quva tumanida tug‘ilgan. Ma’lumoti: 2024-yil — Toshkent Pediatriya Tibbiyot instituti, Pediatriya yo‘nalishi. Mutaxassisligi: vrach-pediatr. Mehnat faoliyati: 2025-yildan Farg‘ona jamoat salomatligi tibbiyot institutida stajyor-o‘qituvchi lavozimida faoliyat olib bormoqda. Ilmiy-tadqiqot faoliyati: Hozirda magistrlik ishini quyidagi mavzu bo‘yicha olib bormoqda: “Bolalarda o’rta og’irlikda kechuvchi pnevmoniyaning erta diagnostikasi, klinik kechishi va davo-profilaktikasi”. Shuningdek, faoliyati davomida 3 dan ortiq ilmiy maqolalar chop etgan. Bog‘lanish uchun: E-mail: durdona.habibullayeva2021@gmail.com Telefon: +99890 838 55 59
Tashmamatova Dilnozaxon
“Pediatriya” kafedrasi stajyor-o‘qituvchi, vrach-pediatr
Tashmamatova Dilnozaxon 1995-yil 4-iyunda Farg‘ona viloyati, Farg‘ona tumanida tug‘ilgan. Ma’lumoti: 2021-yil — Andijon davlat tibbiyot instituti, Pediatriya fakulteti (namunali tamomlagan). 2023-yil — Farg‘ona Jamoat salomatligi tibbiyot instituti, Pediatriya mutaxassisligi ordinatura (namunali tamomlagan). Mutaxassisligi: vrach-pediatr. Mehnat faoliyati: 2024-yildan Farg‘ona jamoat salomatligi tibbiyot institutida faoliyat boshlagan. Dastlab kafedra stajyor-o‘qituvchi lavozimida ishlagan. Ilmiy-pedagogik faoliyati 2 yilni, amaliy tibbiyotdagi tajribasi 5 yilni tashkil etadi. Ilmiy-tadqiqot faoliyati: Hozirda doktorlik ishini quyidagi mavzu bo‘yicha olib bormoqda: “13.00.02 – Ta’lim va tarbiya nazariyasi va metodikasi ixtisosligi bo‘yicha ‘Tibbiy ta’limda PBL (Problem-Based Learning) modeli asosida talabalarning klinik fikrlash kompetensiyasini rivojlantirish metodikasi (Ambulator-poliklinik pediatriya fani misolida)’”. Shuningdek, faoliyati davomida 8 dan ortiq ilmiy maqolalar va 17 dan ortiq tezislar chop etgan. Bog‘lanish uchun: E-mail: tashmamatovadilnozaxon@gmail.com Telefon: +99891 652-06-04
Ismoilov Baxromiddin Zaxriddinovich
“Pediatriya” kafedrasi assistenti, vrach-bolalar nevrologi
Ismoilov Baxromiddin Zaxriddinovich 1962-yil 16-aprelda Farg‘ona viloyati, Farg‘ona tumanida tug‘ilgan. Ma’lumoti: 1990-yil — Andijon davlat tibbiyot instituti, Pediatriya fakulteti (namunali tamomlagan). 1993-yil — Andijon davlat tibbiyot instituti, Pediatriya yo‘nalishida internatura (namunali tamomlagan). Mutaxassisligi: bolalar nevrologi. Mehnat faoliyati: 2021-yildan Farg‘ona jamoat salomatligi tibbiyot institutida faoliyat boshlagan. Dastlab kafedra stajyor-o‘qituvchi, keyinchalik kafedra assistenti lavozimlarida ishlagan. Ilmiy-pedagogik faoliyati 5 yilni, amaliy tibbiyotdagi tajribasi 30 yilni tashkil etadi. Ilmiy-tadqiqot faoliyati: Hozirda dissertatsiya ishini quyidagi mavzu bo‘yicha olib bormoqda: “Temirdefitsit anemiyasi bor xomiladorlikdan tug‘ilgan bolalarda asab-ruxiy o‘zgarishlarning xususiyatlari va ularning korrektsiyasiga barvaqt aralashuv”. Faoliyati davomida 10 dan ortiq ilmiy maqolalar va 30 dan ortiq tezislar chop etilgan. Bog‘lanish uchun: E-mail: bismoilov62@gmail.com Telefon: +99833 404-50-04
Muslimov G‘anijon Inatullayevich
“Pediatriya” kafedrasi assistenti, vrach-pediatr
Muslimov G‘anijon Inatullayevich 1970-yil 28-oktyabrda Farg‘ona viloyati, Oltiariq tumanida tug‘ilgan. Ma’lumoti: 1997-yil — Andijon davlat tibbiyot instituti, Pediatriya fakulteti (namunali tamomlagan). Mutaxassisligi: vrach-pediatr. Mehnat faoliyati: 2024-yildan Farg‘ona jamoat salomatligi tibbiyot institutida faoliyat boshlagan. Dastlab kafedra stajyor-o‘qituvchi, keyinchalik kafedra assistenti lavozimlarida ishlagan. Ilmiy-pedagogik faoliyati 2 yilni, amaliy tibbiyotdagi tajribasi 25 yilni tashkil etadi. Ilmiy-tadqiqot faoliyati: Faoliyati davomida 12 dan ortiq ilmiy maqolalar va 17 dan ortiq tezislar chop etgan. Bog‘lanish uchun: E-mail: muslimovganijon70@gmail.com Telefon: +99891 536-44-86
Ilmiy yo‘nalishlar
  • Prezident Sh.M. Mirziyoyev asarlari va ma’ruzalari, Oliy Majlis hamda Vazirlar Mahkamasining farmon va qarorlarini o‘rganish;
  • yoshlarning ma’naviy dunyoqarashini shakllantirish, ularni vatanparvarlik, insonparvarlik va ezgulik ruhida tarbiyalash;
  • talabalarda sog‘lom turmush tarzi falsafasini shakllantirish;
  • siyosiy va huquqiy madaniyatni oshirish;
  • mamlakatda va dunyoda ro‘y berayotgan ijtimoiy, siyosiy, ilmiy hamda madaniy voqealar haqida talabalarni o‘z vaqtida xabardor qilish;
  • kafedra yo‘nalishiga mos to‘garaklar va ijtimoiy loyihalar orqali talabalar bo‘sh vaqtini mazmunli tashkil etish.
KAFEDRANING ILMIY-TADQIQOT VA O‘QUV FAOLIYATI
 
Farg‘ona Jamoat salomatligi tibbiyot institutining “Pediatriya” kafedrasi Farg‘ona viloyati bolalar ko‘p tarmoqli tibbiyot markazi xududidagi 1–2–3 binolarining 2–3 qavatida faoliyat yuritadi. Kafedra jamoasi kafedra va institut miqyosidagi ilmiy-tadqiqot, o‘quv-uslubiy hamda klinik va amaliy yo‘nalishlarda faol ishtirok etib kelmoqda.
Ilmiy salohiyat va izlanuvchilar
Hozirgi kunda kafedrada ilmiy yo‘nalishda faoliyat olib borayotgan xodimlar tarkibi:
  • 1 nafar DSc
  • 2 nafar PhD
  • 1 nafar dotsent
  • 2 nafar tayanch doktorant
  • 1 nafar mustaqil izlanuvchi
Kafedrada professor-o‘qituvchilarning ilmiy salohiyati 40%ni tashkil etadi. Yosh kadrlar va izlanuvchilar O‘zbekiston Respublikasi Prezidentining 2019-yil 7-iyundagi №470-sonli Farmoni asosida PhD va DSc dissertatsiya mavzulari ustida ilmiy izlanish olib bormoqdalar. Bu esa kelgusida kafedraning ilmiy salohiyatini yanada oshirishga xizmat qiladi.

KAFEDRA OCHIQ DARSLARI

Klinik fikrlashga doir video darslar 
Video darslarni ko'rish uchun mavzuni tanlab ustiga bosing.
  1. Coagulation
  2. Platelet Activation
  3. Hypercoagulable States
  4. Coagulopathies
  5. Platelet Disorders
  6. Antiplatelets
  7. Anticoagulant Drugs
  8. Hemolysis Basics
  9. Extrinsic Hemolysis
  10. Intrinsic Hemolysis
  11. Microcytic Anemias
  12. Thallassemias
  13. Sicle Cell Anemia
  14. Other Anemias
  15. Blood Groups
  16. Acute Leukemias
  17. Chronic Leukemias
  18. Hodgkin Lymphoma
  19. Non Hodgkin Lymphoma
  20. Plasma Cell Disorders
  21. Amyloidosis
  22. Myeloproliferative Disorders
  23. Antimetabolites
  24. Alkylating Agents
  25. Antitumor Antibiotics
  26. Microtuble Inhibitors
  27. DNA Drugs
  28. Other Cancer Drugs
  29. Porphyrias

Foydali manbalar

Sayt materiallaridan foydalanganda, Farg`ona jamoat salomatligi tibbiyot instituti rasmiy web saytiga havola ko'rsatilishi shart Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing yoki sayt adminiga yuboring.

©iTeach Soft Group 2021 FARG`ONA JAMOAT SALOMATLIGI TIBBIYOT INSTITUTI.