Русский
English.png){kind=logo}
Ovqatlanish, bolalar va o`smirlar gigienasi kafedrasi
Kafedra quyidagi fanlar bo‘yicha nazariy va amaliy mashg‘ulotlar o‘tiladi:
Tibbiy profilaktika ishi yo‘nalishi talabalari uchun
- Bolalar va o‘smirlar gigiyenasi
- Ovqatlanish gigiyenasi
- Mutaxassislikka kirish
- Nutrisiologiya
Davolash ishi yo‘nalishi talabalari uchun
1.Sog‘lom ovqatlanish va nutritsiologiya asoslari;
Ashurova Mukadas Djaloldinovna
PhD, dotsent
Ovqatlanish, bolalar va o‘smirlar gigiyenasi kafedrasi mudiri. 1975-yilda Farg‘ona shaharda tug‘ilgan. 2000-yilda 2-Toshkent davlat tibbiyot institutida “Bolalar va o‘smirlar gigiyenasi” fanidan maqsadli aspiranturaga qabul qilingan. 2018-yil 29-dekabrda tibbiyot fanlari bo‘yicha falsafa doktori (PhD) ilmiy darajasini olgan, 2021-yilda monografiya chop ettirgan. 2024-yil 30-iyunda O‘zbekiston Respublikasi OAK tomonidan dotsent ilmiy unvoni berilgan. Ilmiy nashrlari:80 dan ortiq maqola, 30 dan ortiq tezis, 15 dan ortiq uslubiy qo‘llanma, 2 ta sanitariya me’yor va qoida, 3 ta darslik, 4 ta o‘quv qo‘llanma hamda 3 ta monografiya muallifi.
Xojimatov Xusnidin Odilovich
1983-yil 25-oktyabrda Farg‘ona viloyati Quva tumanida tug‘ilgan.2002-yilda II Toshkent davlat tibbiyot instituti Farg‘ona filialining (hozirgi Farg‘ona jamoat salomatligi tibbiyot instituti) “Tibbiy profilaktika ishi” yo‘nalishiga o‘qishga kirgan va 2008-yilda Toshkent tibbiyot akademiyasi Farg‘ona filialini tamomlagan. 2008-yildan “Gigiyena va jamoat sog‘lig‘ini saqlash” kafedrasida assistent sifatida ish boshlagan. 2009–2011-yillarda Toshkent tibbiyot akademiyasining “Ovqatlanish gigiyenasi” yo‘nalishida magistraturani tamomlagan. 2011–2018-yillarda TTA Farg‘ona filiali Gigiyena va jamoat sog‘lig‘ini saqlash kafedrasida assistent bo‘lib ishlagan. 2021–2022-yil oktyabrgacha Farg‘ona jamoat salomatligi tibbiyot instituti “Ovqatlanish, bolalar va o‘smirlar gigiyenasi” kafedrasida assistent, 2022-yil noyabrdan hozirgacha esa kafedra katta o‘qituvchisi lavozimida faoliyat yuritmoqda. Mustaqil ilmiy izlanuvchi sifatida ilmiy izlanishlar olib bormoqda. Ilmiy faoliyati davomida 40 dan ortiq ilmiy ishlar, 1 ta o‘quv qo‘llanma va 1 ta monografiya chop ettirgan.
Saydullayeva Kamila Mirshodovna
Ovqatlanish, bolalar va o‘smirlar gigiyenasi kafedrasi assistenti.1991-yilda Farg‘ona viloyati Farg‘ona shahrida tug‘ilgan. 2015-yili Toshkent tibbiyot akademiyasida Farg‘ona filialining “Tibbiy profilaktika ishi” yo‘nalishini, 2020-yilda mazkur institutning klinik ordinatura mutaxassisligini tamomlagan. Mehnat faoliyatini 2016-yildan Farg‘ona shaxar 1-sonli Tibbiyot kelleji Tibbiyot prifilaktikasi ishi kafedrasida o‘qituvchi lavozimidan boshlagan. 2020-yildan Farg‘ona jamoat salomatligi tibbiyot instituti “Ovqatlanish, bolalar va o‘smirlar gigiyenasi” kafedrasi assistenti lavozimida ishlab kelmoqda. K. Saydullayeva Bolalar va o’smirlar gigiyenasi fanidan ilmiy izlanishlar olib bormoqda. 20 dan ortiq maqola va tezislar chop ettirgan.
Maxamatov Umidjon Shoirjonovich
Ovqatlanish, bolalar va o‘smirlar gigiyenasi kafedrasi assistenti. 1986-yilda Farg‘ona viloyati Farg‘ona tumanida tug‘ilgan. 2013-yili Toshkent tibbiyot akademiyasi Farg‘ona filialining “Tibbiy profilaktika ishi” yo‘nalishini tamomlagan. 2020 yildan Farg‘ona jamoat salomatligi tibbiyot instituti klinik ordinatori. 2013-yil Farg‘ona tumani DSENMda zaxarli kimyoviy moddalar bo‘limi vrachi, 2013-2020-yillari Farg‘ona tibbiyot kolleji o‘qituvchisi lavozimlarida ishlagan. 2020-yildan Farg‘ona jamoat salomatligi tibbiyot instituti “Ovqatlanish, bolalar va o‘smirlar gigiyenasi” kafedrasi assistenti lavozimida ishlab kelmoqda. U.Maxamatov bolalar va o‘smirlar gigiyenasi fanidan ilmiy izlanishlar olib bormoqda. 24 dan ortiq maqola va tezislar chop ettirgan.
Yusupov Mansurjon Mamajonovich
1987-yil 20-fevralda Farg‘ona viloyati Quvasoy shahrida tug‘ilgan. 2010-yilda Toshkent tibbiyot akademiyasi Farg‘ona filialining “Tibbiy profilaktika ishi” yo‘nalishini tamomlagan. Shuningdek, O‘zbekiston Respublikasi Prezidenti huzuridagi Davlat boshqaruvi akademiyasida “Davlat boshqaruvi” yo‘nalishi bo‘yicha qayta tayyorlash dasturini yakunlagan. Mehnat faoliyatini 2010–2011-yillarda Quvasoy shahar DSENMda umumiy gigiyena vrachi sifatida boshlagan. 2011–2017-yillarda sanitariya-gigiyena bo‘limi mudiri, 2017–2019-yillarda DSENM bosh vrachi, 2019–2020-yillarda SEOM bosh vrachi, 2020–2025-yillarda Quvasoy shahar SEO va JSB boshlig‘i lavozimlarida ishlagan. 2025-yildan Farg‘ona jamoat salomatligi tibbiyot instituti “Ovqatlanish, bolalar va o‘smirlar gigiyenasi” kafedrasida stajyor-o‘qituvchi, 2026-yil 5-yanvardan hozirga qadar kafedra assistenti sifatida faoliyat yuritmoqda. Mehnat faoliyati davomida “Mehr-saxovat” ko‘krak nishoni (2020) hamda “O‘zbekiston Respublikasi Mustaqilligining 30 yilligi” esdalik nishoni (2021) bilan taqdirlangan. Hozirda mustaqil ilmiy izlanuvchi sifatida tadqiqotlar olib bormoqda.
Kafedraning ilmiy-tadqiqot ishlari
Kafedraning ilmiy yo‘nalishlari yoshlar tarbiyasi, huquqiy madaniyat, zamonaviy tibbiyotning dolzarb masalalari va jamoat salomatligi sohasidagi tadqiqotlarni qamrab oladi. So‘nggi 5 yil davomida kafedra xodimlari tomonidan 100 dan ortiq ilmiy ishlar nashr etilib, jumladan 5 ta o‘quv qo‘llanma, 2 ta darslik, 10 ta monografiya, 15 ta elektron dastur, shuningdek respublika va xalqaro jurnallarda 100 dan ortiq maqola chop etilgan. Bundan tashqari 20 ga yaqin o‘quv-uslubiy qo‘llanma va uslubiy tavsiyanomalar tayyorlangan. Kafedra xodimlari respublika va xorijiy konferensiyalarda ma’ruza hamda tezislar bilan muntazam qatnashib keladi. Kafedrada talabalar ilmiy faolligiga ham alohida e’tibor berilib, ular rahbarlar ko‘magida maqolalar chop etmoqda va nufuzli tadbirlarda ishtirok etmoqda. Talabalar “Innomix” haftaligi doirasidagi “Hakaton”da 2-o‘rin, “Munozara” intellektual o‘yinida “Eng yaxshi 3-notiq” nominatsiyasi bo‘yicha 1-darajali diplom, shuningdek rektor stipendiyasi (“Eng a’lochi talaba”) kabi yutuqlarga erishgan. Iqtidorli talabalar (N. Usupova, N. Madaminova, X. Kenjayeva, G. Xoshimova, A. Muxamadaliyev, G. Yo‘ldasheva va boshqalar) respublika va xalqaro olimpiadalarda sovrinli o‘rinlarni qo‘lga kiritib kelmoqda.
Kafedra o‘quv va o‘quv-metodik ishlari
Kafedrada Tibbiy profilaktika ishi yo‘nalishi 1-kurs talabalari “Mutaxassislikka kirish” fanidan, Oliy hamshiralik ishi yo‘nalishi 2-bosqich talabalariga “Nutrisiologiya” fanidan, Xalq tabobati yo‘nallishi 3-bosqich talabalari uchun “Nutrisiologiya” fanidan, shuningdek Tibbiy profilaktika ishi yo‘nalishi 3-4-5-bosqich talabalariga Ovqatlanish gigiyenasi, Bolalar va o‘smirlar gigiyenasi fanlari bo‘yicha ma’ruza, amaliy mashg‘ulotlari bo‘yicha tahsil oladilar. Kafedrada 8-nafar “Gigiyena” yo‘nalishlari bo‘yicha klinik ordinatorlar ta’lim oladilar.
O‘qitish tizimi quyidagi tasdiqlangan me’yoriy hujjatlar bo‘yicha olib boriladi:
1. Umummilliy hujjatlar:
- O‘zbekiston Respublikasining “Ta’lim to‘g‘risida”gi Qonuni.
- Oliy ta’lim tizimini 2030-yilgacha rivojlantirish konsepsiyasi (PF-5847).
- Kredit-modul tizimini joriy etish tartibi to‘g‘risidagi Nizom (VMQ-824).
O‘quv-uslubiy me’yoriy hujjatlar:
- Davlat ta’lim standartlari (DTS): Yo‘nalish va mutaxassisliklar bo‘yicha.
- Malaka talablari: Bitiruvchi egallashi kerak bo‘lgan kompetensiyalar.
- Namunaviy va Ishchi o‘quv rejalari: Fanlar ketma-ketligi va soatbay miqdori.
- Fan sillabuslari (Ishchi o‘quv dasturlari): O‘quv mavzulari va baholash mezonlari.
3. Kafedraning ichki ishchi hujjatlari:
- Kafedraning yillik ish rejasi.
- Professor-o‘qituvchilarning shaxsiy ish rejalari.
- Kafedra majlisi bayonnomalari.
- O‘zaro dars kirish va ochiq darslar jurnallari.
Kafedra xodimlari tomonidan talabalar uchun ish daftari va bosqichma-bosqich o‘quv-uslubiy qo‘llanma yaratilgan bo‘lib, unda reja bo‘yicha amaliy ko‘nikmalarni bosqichma-bosqich o‘rganish aks ettirilgan.
Kafedrda Ovqatlanish, bolalar va o‘smirlar gigiyenasi fanining o‘ziga xosligini hisobga olgan holda, o‘quv jarayonida foydalaniladigan texnik ta’minotlar zamonaviy pedagogik texnologiyalar va xalqaro standartlar darajasida o‘qitish maqsadida moddiy-texnik baza shakllantirilgan. O‘quv jarayonida nazariy bilimlarni amaliy ko‘nikmalar bilan mustahkamlash uchun quyidagi texnik vositalardan samarali foydalaniladi:
- Raqamli laboratoriya majmualari:
- Multimedia va vizuallashtirish vositalari:
- O‘lchov va diagnostika asboblari:
Kafedrada ma’naviy-ma’rifiy ishlari
Kafedrada ma’naviy-ma’rifiy ishlar talabalarning intellektual salohiyatini yuksaltirish va ularda vatanparvarlik hamda kasbiga sadoqat tuyg‘ularini shakllantirishga yo‘naltirilgan bo‘lib, bu jarayon “Ustoz-shogird” an’analari va yoshlarning ma’naviy dunyoqarashini boyitishga xizmat qiluvchi tizimli tadbirlar asosida tashkil etilgan. Mazkur faoliyat doirasida milliy qadriyatlarni targ‘ib qilish, yoshlarni yot g‘oyalar ta’siridan asrash hamda ularning bo‘sh vaqtlarini mazmunli o‘tkazish maqsadida ma’rifiy uchrashuvlar, kitobxonlik kechalari va davra suhbatlari muntazam ravishda o‘tkazib boriladi.
Yosh avlodga g‘amxo‘rlik qilish, sog‘lom va barkamol shaxsni tarbiyalash — o‘zbek xalqining milliy qadriyatlari va hayot falsafasining muhim jihatlaridan biridir. Shu boisdan, ma’naviy-ma’rifiy ishlar Farg‘ona jamoat salomatligi tibbiyot Instituti “Ovqatlanish, bolalar va o‘smirlar gigiyenasi” kafedrasi faoliyatining asosiy yo‘nalishlaridan biri hisoblanadi.
Kafedrada ma’naviy-ma’rifiy faoliyatlar tasdiqlangan yillik reja asosida tizimli ravishda amalga oshiriladi.
Asosiy ma’naviy-ma’rifiy yo‘nalishlar:
Kafedra professor-o‘qituvchilari tomonidan talabalarga odob-axloq qoidalari, jamiyatda kiyinish madaniyati, zararli odatlar — chekish va spirtli ichimliklarni iste’mol qilishning salbiy oqibatlari haqida muntazam ma’rifiy suhbatlar olib boriladi.
