Fargʻona jamoat salomatligi tibbiyot institutida “Yashil makon” umummilliy loyihasi doirasida “Yangi daraxt — yangi nafas” ekochempionati tashkil etildi 

Fargʻona jamoat salomatligi tibbiyot instituti tomonidan “Yashil makon” umummilliy tashabbusi doirasida “Yangi daraxt — yangi nafas” nomli keng qamrovli ekochempionat boshlab yuborildi. Ushbu tadbir “Yashil universitet” dasturi tamoyillariga toʻliq mos boʻlib, ekologik muhitni yaxshilash, barqaror rivojlanish gʻoyalarini ilgari surish va yoshlarning atrof-muhitga nisbatan masʼuliyatini oshirishga qaratilgan.

Ekochempionatning asosiy maqsadi — institut hududi va unga tutash maydonlarda yangi koʻchatlar ekish orqali yashil makonlar sonini oshirish, talaba-yoshlar, professor-oʻqituvchilar hamda xodimlar orasida ekologik madaniyatni shakllantirish va tabiatni asrash masʼuliyatini kuchaytirishdan iborat.

Tadbir doirasida:

Institutning barcha fakultetlari, kafedralari va boʻlimlari oʻrtasida “Eng koʻp daraxt ekkan jamoa” hamda “Eng chiroyli yashil burchak” nominatsiyalari boʻyicha bellashuvlar tashkil etiladi;

Talabalar tomonidan manzarali va mevali daraxt koʻchatlari, gul koʻchatlari ekiladi;

Har bir ekilgan daraxt uchun masʼul talabalar guruhi belgilanadi, bu esa daraxtlarning parvarishi va barqaror yashovchanligini taʼminlaydi;

Ekologik seminarlar, tozalik aksiyalari, yashil hududlarni parvarishlash boʻyicha mahorat darslari oʻtkaziladi.

“O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi to‘g‘risida

Yashil universitet” dasturi doirasida institut rahbariyati tomonidan:

Energiya tejamkor tizimlarni joriy etish, chiqindilarni saralash,

Atrof-muhitni muhofaza qilish boʻyicha talabalar ishtirokida “eko-volontyorlik” harakati,

Yashil hududlarni muntazam sugʻorish, parvarish qilish hamda barqaror ekologik infratuzilmani rivojlantirish kabi chora-tadbirlar amalga oshirilmoqda.

Mazkur ekochempionat nafaqat institut hududini obodonlashtirishga, balki sogʻlom ekologik muhit yaratish, tabiatni asrash madaniyatini yoshlar ongiga singdirish va xalqaro miqyosda ekologik barqarorlik tamoyillarini targʻib qilishga xizmat qiladi.

Tadbir yakunida eng faol ishtirokchilar, talaba-guruhlar va kafedralar faxriy yorliqlar hamda “Yashil universitet elchisi” sertifikatlari bilan taqdirlanadi.

“Yangi daraxt — yangi nafas” — bu shunchaki ko‘chat ekish emas, balki kelajak avlod uchun sog‘lom, toza va yashil muhit yaratish sari qo‘yilgan ishonchli qadamdir.

2025 yil Atrof-muhitni asrash va „yashil“ iqtisodiyot yili  

“O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi to‘g‘risida

Yashil Universitet-Yashil Makon

Ekofoaol talabalar va Yashil Universitet tadbirlari

Tibbiy profilaktika va jamoat salomatligi fakulteti mas'ullari "Tinchlik" mahalla fuqarolar yig'ini bilan hamkorlikda "Mahallam tozaligi - yurtim obodligi" mavzusida aholi, ayniqsa yoshlar o'rtasida tozalikka rioya qilish madaniyatini shakllantirish, ularning atrof-muhitga munosabatini yaxshilash va bu boradagi ijtimoiy mas'uliyatini oshirishga qaratulgan targ'ibot tadbirlari tashkil etildi

Yashil Universitet atamasi, asosan, ekologik barqarorlik va yashil texnologiyalarga qaratilgan ta'lim muassasalariga ishlatiladi, ammo har bir universitet o'zining maxsus yo'nalishlari va dasturlari bilan ajralib turadi. Yashil Universitetlar iqlim o'zgarishi, atrof-muhitni muhofaza qilish va barqaror rivojlanishga oid ta'lim berishda etakchi hisoblanadi.

Yashil Universitetlarning asosiy yo'nalishlari

1. Ekologiya va Atrof-Muhit Fanlari:

   • Ekologiya, biologiya, kimyo va fizika kabi fanlardan kelib chiqib, atrof-muhit innovatsiyalari bo'yicha ta'lim beradi.
   • Talabalar ekosistemalar, biodiversitet va tabiiy resurslarni boshqarish masalalariga qaratilgan tadqiqotlar o'tkazadilar.

2. Barqaror Rivojlanish:

   • Barqaror rivojlanish nazariyalari va amaliyotlari, ijtimoiy va iqtisodiy masala hamda muhofaza qilish tadbirlari orqali, talabalarni barqaror rivojlanish loyihalariga tayyorlaydi.

3. Yashil Texnologiyalar:

   • Qayta tiklanuvchi energiya manbalari, energiya samaradorligi, va yashil muhandislik kabi sohalarda muhim ko'nikmalarni rivojlantiradi.
   • Talabalarni energetika va transport tizimlarida barqaror yechimlarni ishlab chiqish uchun tayyorlaydi.

4. Agrar va Resurs Boshqaruvi:

   • Qishloq xo'jaligi va tabiiy resurslarni barqaror boshqarish bo'yicha ta'lim, xorijiy va mahalliy tajribalarni o'rganish orqali amalga oshiriladi.

5. Ijtimoiy Masalalar va Barqarorlik:

   • Ijtimoiy barqarorlik, ekologik adolat va boshqa ijtimoiy masalalar bo'yicha bilim beradi.
   • Talabalar ijtimoiy muammolarni hal etish uchun innovatsion yechimlar ishlab chiqishadi.

Yashil Universitetlar keltiradigan foyda

• Iqtisodiy foydalar: Barqaror texnologiyalarni qo'llash orqali xarajatlarni kamaytirish.
• Mahalliy va jadal innovatsiyalar: Yashil texnologiyalarni ishlab chiqish va ularni amalga oshirish.
• Ijtimoiy barqarorlik: Ijtimoiy rivojlanishga yordam berish va atrof-muhitni muhofaza qilishda keng jamoatchilikni jalb qilish.

Farg‘ona jamoat salomatligi tibbiyot instituti "Yashil makon" loyihasi doirasida "Yashil institut" aksiyasini tashkil etdi. Tadbir davomida Tibbiy profilaktika va jamoat salomatligi fakulteti vakillari tomonidan ekilgan ko‘chatlar institut hududini yanada jonlantirib, barqaror kelajak sari mustahkam poydevor yaratdi.

Yashil Universitet