Raqamli ta'lim texnologiyalari markazi (bundan buyon matnda - Markaz) institutning tarkibiy bo'linmasi bo'lib, O'zbekiston Respublikasi Vazirlar Mahkamasining 23.05.2001-yildagi 230-sonli qarori, O'zbekiston respublikasi oliy ta’lim, fan va innovatsiyalar vazirligining 25.0.2001-yildagi 23-son buyrug'i bilan tashkil etilgan. Markaz Farg‘ona jamoat salomatligi tibbiyot institutining tarkibiy bo‘linmasi hisoblanib, ta’lim muassasasiga axborot-kommunikatsiya texnologiyalarni joriy etish bilan bog‘liq ishlarni amalga oshiradi.

Markazning asosiy maqsadi – institutda raqamli ta'lim texnologiyalarini keng joriy etish, ta’lim jarayonini raqamlashtirish, professor-o‘qituvchilar, xodimlar va talabalar uchun zamonaviy raqamli muhit yaratish hamda bu boradagi normativ hujjatlar ijrosini ta’minlashdan iborat.

1. Raqamli ta'lim texnologiyalarini joriy etish bo‘limi – axborot tizimlarini ishlab chiqish, joriy etish va texnik qo‘llab-quvvatlash ishlarini amalga oshiradi.
2. Axborot xavfsizligini ta’minlash bo‘limi – institut axborot resurslari va tarmoqlarining xavfsizligini nazorat qiladi hamda axborotlarni muhofaza qilish choralarini ko‘radi.
3. Texnik qo‘llab-quvvatlash bo‘limi – kompyuter va tashkiliy texnika vositalarining sozligini ta’minlaydi, nosozliklarni tezkor bartaraf etadi.
4. Tarmoqlarni boshqarish bo‘limi – institutning lokal va global tarmoqlari, serverlari faoliyatini boshqaradi.

​

• • Institutda axborot xavfsizligiga paydo bo‘layotgan tahdidlar to‘g‘risida o‘z vaqtida universitet rahbariyatini xabardor qilish, shuningdek, axborotlarni muhofaza qilish bo‘yicha konsultatsiya xizmatlari ko‘rsatadi;
• • “HEMIS”- Oliy ta’lim jarayonlarini boshqarish axborot tizimi va Moodle masofaviy o‘qitish tizimi boshqaruvi faoliyatini tashkil etadi va nazoratini olib boradi;
• • Institutdagi mavjud kompyuter texnologiyalarining dasturlarining to‘g‘ri ishlashini nazorat qilish;
• • kompyuterlarni texnik ko‘rikdan o‘tkazib turish va ta’mirlash ishlarini tashkil qilish;
• • kompyuter operatorlari ishini nazorat qilish;
• • institut kompyuter zaxirasini zamonaviy kompyuterlar hisobiga oshirish va mavjud kompyuterlarni takomillashtirib borish;
• • institutda Internet tarmog‘i, elektron pochta xizmatlarini talab darajasida ishlashini nazorat qilib borish, xabar va yangiliklarni o‘z vaqtida qabul qilinishi va tarqatilishini nazorat qilish;
• • institutning nusxa oladigan serverlarini ishini nazorat qilish, ta’mirlash va ko‘rikdan o‘tkazib turishni nazorat qilish;
• • institutning elektron o‘qitish bo‘yicha olib boriladigan barcha ishlariga rahbarlik qilish hamda elektron o‘qitishni tashkil etish bo‘yicha mahalliy va xorijiy oliy o‘quv yurtlari bilan aloqalar o‘rnatish;
• • saqlanayotgan hamda aloqa kanallaridan uzatilayotgan ma’lumotlarni ruxsat etilmagan tashriflar, modifikatsiyalar, soxtalashtirishlar va yo‘qotishlardan himoyalash;
• • axborot uzatishning zamonaviyligi va haqqoniyligini ta’minlash;
• • axborot xavfsizligiga ichki va tashqi tahdidlarni aniqlash;
• • dasturiy vositalarni ruxsat etilmagan modifikatsiyalashtirish hamda yo‘qotishlardan himoyalash;
• • operatsion tizimlar va ularda ishlatiladigan amaliy dasturlar (amaliy masalalarni echish uchun) va dasturiy vositalar ishchi holatini nazorat qilish, ish holati buzilganda qayta tiklash;
• • ro‘yxatdan o‘tgan foydalanuvchilar uchun apparat, dasturiy va axborot resurslardan foydalanish imtiyozini berish;
• • himoyalangan resurs va tarmoq xizmatlari bilan ishlagan foydalanuvchilarni tizim jurnalida ro‘yxatdan o‘tkazish hamda foydalanuvchining xatti-harakatining to‘g‘riligini ushbu jurnalni davriy tahlili asosida nazoratda ushlash.