Magistraturaga qabul 1-iyuldan e’tiboran onlayn tarzda boshlanadi

   Magistraturaga qabul haqida ba’zi ma’lumotlarni eslatib o‘tamiz:

   Hujjatlar magistr.edu.uz portali orqali faqat onlayn qabul qilinadi, abiturientlar hujjat topshirish uchun OTMga kelmaydi;
Magistraturada abiturientlarga 5 ta mutaxassislik yo‘nalishini tanlash imkoniyati berilmaydi. Faqat bitta yo‘nalish tanlanadi;
Kirish imtihonlari mutaxassislik hamda chet tili fanidan bo‘ladi. Boshqa fanlardan bo‘lmaydi;

Magistraturaga kirishda abituriyentlar (bakalavr darajasiga ega bo`lganlar, diplomli mutaxassislar) oliy ta’lim muassasasi qabul komissiyasiga quyidagi hujjatlarni taqdim etadilar:

• magistratura mutaxassisligi ko`rsatilgan holda, oliy ta’lim muassasasi rektori nomiga ariza;

• oliy ma’lumot to`g`risidagi hujjatning asl nusxasi (yoki diplomdan ko`chirma — O`zbekiston Respublikasi oliy ta’lim muassasalarini davlat granti bo`yicha o`qib tugatganlar uchun) hamda unga ilova;

• chop etilgan ilmiy maqola yoki tezislari (yoki ularga tenglashtirilgan hujjatlari) nusxasi (mavjud bo`lgan holda)

• 3.5 x 4.5 hajmdagi 6 dona rangli fotosurat;

• 086-U — shakldagi tibbiy ma’lumotnoma.

Hujjatlar 1 iyuldan 30 iyulgacha qabul qilinadi.

Hujjatlar taqdim etilishi jarayonida abituriyentlar pasport va harbiy xizmatga aloqadorlik haqidagi hujjatlarini shaxsan ko`rsatadilar.