Institutda jami 500 oʼringa moʼljallangan 2 ta talabalar turar joylari faoliyat koʼrsatmoqda.

  1-son talabalar turar joyi S.Axmad koʼchasi 57-uyda, 2-son Talabalar turar joyi Ozodlik koʼchasi 10-uyda  joylashgan.
  Ushbu talabalar turar joylarida institutda tahsil olayotgan talabalardan 1 nafari Amerika Qo`shma Shtatlari, 1 nafari Nigeriya davlati, 2 nafari Rossiya Federatsiyasi, 5 nafari Tojikiston Respublikasi, 70 nafari Pokiston Islom Respublikasi, 26 nafari Hindiston Respublikasi, 1 nafari Afg’oniston va 28 nafari Qirg’iziston Respublikalaridan kelib oʼqiyotgan talabalar, hamda qoʼshni viloyatlardan malaka oshirishga kelgan vrachlar uchun barcha shart-sharoitlar yaratilib, mazkur turar joylar zamon talablari darajasiga keltirilgan.
  Institut talabalar turar joylaridagi «Maʼnaviyat va maʼrifat» xonalari yuqori saviyada jihozlangan, qattiq va yumshoq mebellar qoʼyilgan, gilamlar toʼshalgan.
  Talabalar turar joylarida institut kutubxonasi filiallari tashkil qilingan boʼlib 1000 dan ortiq tegishli adabiyotlar bilan boyitilgan. Talabalar turar joylarida yashayotgan barcha talabalar mazkur kutubxonalarga aʼzo boʼlishgan.
  Turar joylarda talabalarning madaniy dam olishlari uchun barcha qavatlarga televizorlar qoʼyilgan va barcha xonalar yangi yumshoq mebellar bilan taʼminlangan. Talabalar uchun barcha qavatlarda yuvinish xonalari mavjud va ular issiq suv bilan taʼminlangan. Muntazam ravishda issiqlik bilan taʼminlash maqsadida zamonaviy isitish tizimlari oʼrnatilgan. Talabalar turar joylarida dars tayyorlashlari uchun soʼnggi modeldagi kompyuterlar bilan ta'minlangan bo'lib, yuqori tezlikdagi WI-FI orqali internet tarmogʼiga ulangan.