Farg’ona jamoat  salomatligi tibbiyot  instituti “Yoshlar masalalari va ma’naviy-ma’rifiy ishlar” bo’limi

   Farg’ona  jamoat  salomatligi  tibbiyot  instituti “Yoshlar masalalari va ma’naviy-ma’rifiy ishlar” bo’limi 4 ta shtat birligidan tashkil topgan. Yoshlar masalalari va ma’naviy-ma’rifiy ishlar bo’yicha prorektor lavozimida Dilshoda Abdullaevna Xolmatova, yoshlar masalalari va ma’naviy-ma’rifiy ishlar bo’lim boshlig’i lavozimida Hayotxon Tojalievna Mamaqova va kotiba Muslima Fozilova Mo’ydinjon qizi faoliyat ko’rsatib kelmoqda.

Bo’limning asosiy vazifalari:

-oila, ta’lim tashkilotlari va mahallalarda ma’naviy tarbiyaning uzviyligini ta’minlash; -targ’ibot-tashviqot va tarbiya yo’nalishidagi ishlarni ilmiy asosda tashkil etish, soha bo’yicha ilmiy va uslubiy tadqiqotlar samaradorligini oshirish, ijtimoiy-ma’naviy muhit barqarorligini mustahkamlashga qaratilgan doimiy monitoring tizimini joriy qilish; -el-yurt taqdiriga loqaydlik, mahalliychilik, urug’-aymoqchilik, korruptsiya, oilaviy qadriyatlarga bepisandlik va yoshlar tarbiyasiga mas’uliyatsizlik kabi illatlarga barham berishga qaratilgan kompleks chora-tadbirlarni amalga oshirish; -aholining Internet jahon axborot tarmog’idan foydalanish madaniyatini oshirish, g’oyaviy va axborot xurujlariga qarshi mafkuraviy immunitetini kuchaytirish; -madaniyat, adabiyot, kino, teatr, musiqa va san’atning barcha turlari, noshirlik-matbaa mahsulotlari, ommaviy axborot vositalarida ma’naviy-axloqiy mezonlar, milliy va umuminsoniy qadriyatlarning ustuvorligiga erishish; -geosiyosiy va mafkuraviy jarayonlarni muntazam o’rganish, terrorizm, ekstremizm, aqidaparastlik, odam savdosi, narkobiznes va boshqa xatarli tahdidlarga qarshi samarali g’oyaviy kurash olib borish hamda bu borada xalqaro hamkorlik aloqalarini rivojlantirish.