Yilning eng yaxshi OTM rektori

Bugun Farg'ona jamoat salomatligi tibbiyot institutida "Yil sarhisobi" nomli 2022-yil yakuniga bag'ishlangan taqdirlash marosimi bo'lib o'tdi. Unda, Fargʻona shahar hokimligi hamda Yoshlar ishlari agentligi Fargʻona shahar boʻlimi tomonidan oʻtkazilgan "Yil talabasi" tanlovi hamda "Yilning eng yaxshi OTM rektori" tanlovi g'oliblari e'lon qilindi va munosib taqdirlandi. "Yil talabasi" nominatsiyasi bo'yicha Davolash fakulteti, davolash ishi yoʻnalishi 3-bosqich 2420-guruh talabasi Axmadjonova Sarvinoz ham g'oliblar qatoridan joy oldi. Shuningdek, Farg'ona jamoat salomatligi tibbiyot instituti rektori Sidikov Akmal Abdikaharovich "Yilning eng yaxshi OTM rektori" deya e'tirof etildi. G'olib bo'lganlar esa Farg'ona shahar hokimligi tomonidan maxsus sertifikat va qimmatbaho sovg'alar bilan taqdirlandilar.