Русский
English.png){kind=logo}
Umumiy jarrohlik kafedrasi
Kafedra tarixi
Kafedra 2022-yil 30-avgustda Farg’ona jamoat salomatligi tibbiyot instituti tomonidan chiqarilgan №1-sonli bayonnomaga asosan Farg’ona shahar 2-son shifoxonasi klinik bazasida qayta tashkil etildi. Kafedra tibbiyot fanlari doktori, professor Saydaliyev Sultongaziy Satvaldievich rahbarligida faoliyat yuritmoqda. Hozirgi kunda kafedrada bakalavriat ta’limi bo‘yicha qo‘shma va mahalliy ta’lim yo‘nalishlarida quyidagi fanlar o‘qitiladi:
-
Umumiy xirurgiya
-
Xirurgik kasalliklar
-
Oftalmologiya
-
Bolalar xirurgiyasi
-
Tibbiyot kasbiga kirish fanlari
Shuningdek, kafedrada bakalavriatura, klinik ordinatura (rezidentura) va magistratura yo‘nalishlari bo‘yicha quyidagi ixtisosliklarda fanlar o‘qitiladi:
-
Umumiy xirurgiya
-
Anestizologiya va reanimatsiya
-
Oftalmologiya
Kafedra jamoasi o‘quv, o‘quv-uslubiy va ilmiy-tadqiqot yo‘nalishlarida samarali faoliyat olib borib, talabalarni malakali va raqobatbardosh kadrlar sifatida tayyorlashga munosib hissa qo‘shmoqda.
Saydaliyev Sultongaziy Satvaldievich
Tibbiyot fanlari nomzodi, dotsent, “Jarrohlik” kafedrasi mudiri
Saydaliyev Sultongaziy Satvaldievich 1959-yil 21-avgustda Farg‘ona viloyati, Marg‘ilon shahrida tug‘ilgan. Millati — o‘zbek. 1976–1982-yillar — Samarqand davlat tibbiyot instituti 1982–1983-yillar — Andijon davlat tibbiyot instituti, bolalar klinikasi, “Bolalar jarrohligi” mutaxassisligi bo‘yicha internatura, 1983-yildan Farg‘ona viloyat bolalar shifoxonasida bolalar jarrohligi bo‘limida vrach-ordinator sifatida faoliyat boshlagan. 1988–2000-yillarda Marg‘ilon shahar birlashgan bolalar shifoxonasining tumanlararo bolalar jarrohligi bo‘limi mudiri lavozimida ishlagan. 2000–2011-yillarda Respublika shoshilinch tibbiy yordam ilmiy markazi Farg‘ona filialida shoshilinch bolalar jarrohligi bo‘limi mudiri bo‘lgan. 2011–2015-yillarda mazkur markazning Farg‘ona filialida jarrohlik ishlari bo‘yicha bosh vrach o‘rinbosari lavozimida faoliyat yuritgan. 2015-yildan 2025-yil oktabr oyigacha shoshilinch bolalar jarrohligi bo‘limi mudiri sifatida ishlagan. 2025-yil oktabrdan hozirgi kunga qadar Farg‘ona jamoat salomatligi institutida “Jarrohlik” kafedrasi mudiri, tibbiyot fanlari nomzodi, dotsent lavozimida faoliyat yuritmoqda. Saydaliyev Sultongaziy Satvaldievich tibbiyot oliy ta’lim muassasalari talabalari va amaliy shifokorlar uchun 1 ta darslik, 3 ta monografiya, 5 dan ortiq uslubiy tavsiyanoma, 10 dan ortiq o‘quv-uslubiy qo‘llanma hamda 100 dan ortiq ilmiy maqola va tezislar chop etgan.
Mirzaev Baxtiyor Burxonovich
Tibbiyot fanlari doktori (T.f.d.), dotsent,
Tibbiyot fanlari doktori (T.f.d.), dotsent,
“Umumiy xirurgiya” kafedrasi professori
Mirzaev Baxtiyor Burxonovich 1975-yil 23-avgustda tug‘ilgan. 1975–1981-yillar — Andijon davlat tibbiyot instituti 1981–1982-yillar — Marg‘ilon shahar tibbiyot birlashmasi, vrach-intern 1987–1990-yillar — Moskva Fanlar Akademiyasi Yurak va qon tomirlari jarrohligi ilmiy markazida aspirantura,1982–1987-yillar — Marg‘ilon shahar 1-sonli shifoxonasi jarrohi 1990–1991-yillar — Marg‘ilon shahar markaziy shifoxonasi Tashkiliy-uslubiy bo‘limi mudiri, jarroh 1991–1992-yillar — Farg‘ona viloyat shifoxonasi jarrohlik bo‘limi jarrohi 1993–1998-yillar — Farg‘ona davlat universiteti Tibbiyot markazi Jarrohlik kafedrasi asistenti, jarrohlik bo‘limi jarrohi 1998–2001-yillar — Toshkent 2-tibbiyot instituti Gospital va fakultativ jarrohlik kafedrasining maksadli doktoranti. 2001–2017-yillar — Toshkent 2-tibbiyot instituti Farg‘ona filiali Ma’naviyat va ma’rifat bo‘limi boshlig‘i, Jarrohlik kafedrasi mudiri, Viloyat sanaviatsiyasi jarrohi 2018–2019-yillar — Toshkent tibbiyot akademiyasi Farg‘ona filiali Jarrohlik kasalliklari kafedrasida T.f.d., dotsent, Farg‘ona shahar 2-shifoxonasi jarrohi 2020–2022-yillar — Farg‘ona jamoat salomatligi institutida Jarrohlik kafedrasida T.f.d., professor Davlat mukofotlari: O‘zbekiston Respublikasi Sog‘likni saqlash a’lochisi (15.06.2005, № 166k) O‘zbekiston Respublikasi Oliy va o‘rta maxsus ta’lim vazirligining Faxriy yorlig‘i O‘zbekiston Respublikasi mustaqilligining 30 yilligi kukrak nishoni Ilmiy-pedagogik faoliyati: Tibbiyot institutlari talabalari va shifokorlar uchun 10 dan ortiq uslubiy tavsiyanoma, 50 dan ortiq o‘quv-uslubiy qo‘llanma, 3 ta monografiya, 470 dan ortiq ilmiy maqola va tezislar muallifi.
Xaydarov Nodirjon Sovridinovich
Tibbiyot fanlari doktori (PhD), katta o‘qituvchi,
Tibbiyot fanlari doktori (PhD), katta o‘qituvchi,
Xaydarov Nodirjon Sovridinovich 1988-yil Farg‘ona viloyati, Farg‘ona tumanida tug‘ilgan. 2009–2016-yillar — Andijon Davlat Tibbiyot oliygohi, bakalavr va magistratura (Bolalar xirurgiyasi yo‘nalishi) 2019-yil — Magistrlik dissertatsiyasi: “Bolalarda ko‘krak qafasi girdopsimon deformatsiyasida torakoplastika operatsiyasidan keyin yurak-qon tomir sistemasidagi o‘zgarishlar” mavzusida himoya qilgan. 2016-yil — Farg‘ona shahar 5-oilaviy poliklinikasida umumiy amaliyot shifokori. 2020-yil 2-sentyabr — Toshkent Tibbiyot Akademiyasi Farg‘ona filialining “Pediatriya” kafedrasida assistent lavozimida ish boshlagan. 2022-yildan hozirgi kunga qadar “Umumiy xirurgiya” kafedrasida assistent lavozimida faoliyat yuritmoqda, kafedrada ma’naviyat va ma’rifat ishlari bo‘yicha mas’ul. Institut miqyosida ilmiy anjumanlarda va ma’ruzalarda faol ishtirok etib, talabalarga, shuningdek, xorijiy fakultet talabalariga klinik ta’lim berib kelmoqda. 2025-yil 15-noyabrda Toshkent Pediatriya Instituti Gospital bolalar xirurgiyasi kafedrasi dotsenti, tibbiyot fanlari doktori Sattorov J.B. rahbarligida “Bolalarda qorin bo‘shlig‘i bitishmali kasalligini davolashda va profilaktikasiga kompleks yondashuv” mavzusida PhD ilmiy ishini muvaffaqiyatli himoya qilgan. Xaydarov N.S. 25 ta ilmiy maqola, 70 ta tezis, 5 ta o‘quv-uslubiy qo‘llanma va 1 ta darslik muallifi.
Azimova Gulnoza Ravshanovna
Tibbiyot fanlari falsafa doktori (PhD), katta o‘qituvchi
“Umumiy xirurgiya” kafedrasi
“Umumiy xirurgiya” kafedrasi
Azimova Gulnoza Ravshanovna 1983-yil 13-oktabrda Farg‘ona viloyati, Farg‘ona shahrida tug‘ilgan. 2001–2008-yillar — Andijon davlat tibbiyot instituti, Davolash ishi yo‘nalishi (bakalavr) 2018–2020-yillar — Rossiya Federatsiyasi, Omsk shahar Tibbiyot akademiyasi, xirurgiya yo‘nalishi bo‘yicha klinik ordinatura. 2008–2011-yillar — Farg‘ona shahar Oq-ariq QVP, umumiy amaliyot vrachi. 2011–2012-yillar — Quvasoy shahar Markaziy poliklinikasi, vrach-koordinator. 2012–2018-yillar — Farg‘ona shahar 5-sonli oilaviy poliklinika, bosh vrach o‘rinbosari. 2020-yil 26-oktabr – 2021-yil 1-sentyabr — Toshkent Tibbiyot Akademiyasi Farg‘ona filiali, Epidemiologiya va yuqumli kasalliklar kafedrasi assistenti. 2021-yil 6-sentyabr – 2022-yil 5-sentyabr — Farg‘ona jamoat salomatligi instituti, Xirurgik kasalliklar kafedrasi assistenti. 2022-yil 6-sentyabrdan hozirgi kunga qadar — Farg‘ona jamoat salomatligi instituti, “Umumiy xirurgiya” kafedrasi katta o‘qituvchisi. 2025-yil 12-fevral — 14.00.27 — xirurgiya ixtisosligi bo‘yicha tibbiyot fanlari falsafa doktori (PhD) ilmiy darajasini olgan. 2025-yil 23-dekabr — v.b. dotsent lavozimi. Azimova G.R. hozirgi kunga qadar 35 dan ortiq xorijiy va respublika ilmiy jurnallarida chop etilgan maqolalar, xalqaro va respublika ilmiy-amaliy anjumanlarida ma’ruza va tezislar muallifi hisoblanadi. Shuningdek, 1 ta Scopus indekslangan maqola, 1 ta monografiya, 1 ta o‘quv qo‘llanma va 1 ta ixtiro patenti muallifidir.
Xolmatova Yoqutxon Ne’mattillayevna
v.v.b. dotsent, katta o‘qituvchi
“Umumiy xirurgiya” kafedrasi
“Umumiy xirurgiya” kafedrasi
Xolmatova Yoqutxon Ne’mattillayevna 1972-yil 7-fevralda Farg‘ona viloyati, Oxunboboyev tumanida tug‘ilgan. 1989–1995-yillar - Andijon davlat tibbiyot instituti, Pediatriya yo‘nalishi (bakalavr). 1996–1997-yillar — Respublika ixtisoslashtirilgan Ko‘z mikroxirurgiya ilmiy-amaliy tibbiyot markazi Farg‘ona filiali, internatura. Diplom bo‘yicha mutaxassisligi - pediatr va vrach-oftalmolog. 1997-yil — Marg‘ilon shahar 1-sonli bolalar poliklinikasida vrach-oftalmolog. 2004–2018-yillar - Farg‘ona tayanch tibbiyot kolleji, “Hamshiralik ishi” yo‘nalishi bo‘lim boshlig‘i. 2019-yil - Farg‘ona jamoat salomatligi tibbiyot instituti “Gistologiya va patologik anatomiya” kafedrasida assistent. 2022-yil 6-sentyabrdan hozirgi kunga qadar - Farg‘ona jamoat salomatligi tibbiyot instituti, “Umumiy xirurgiya” kafedrasi katta o‘qituvchisi. 2025-yil 23-dekabr — vaqtincha vazifasini bajaruvchi dotsent (v.v.b.) lavozimi. Xolmatova Y.N. hozirgi kunga qadar 20 dan ortiq xorijiy va respublika ilmiy jurnallarida chop etilgan maqolalar, xalqaro va respublika ilmiy-amaliy anjumanlarida ma’ruza va tezislar muallifi hisoblanadi. Shuningdek, 1 ta o‘quv qo‘llanma va 2 ta monografiya muallifidir.
Sharapov Ilhamberdi Kamalovich
Katta o‘qituvchi
“Umumiy jarrohlik” kafedrasi
“Umumiy jarrohlik” kafedrasi
Sharapov Ilhamberdi Kamalovich 1962-yil 16-dekabrda Farg‘ona viloyati, Toshloq tumanida tug‘ilgan. 1984–1990-yillar — Andijon davlat tibbiyot instituti, Pediatriya fakulteti, bolalar jarrohligi mutaxassisligi. 1990–1992-yillar — Andijon davlat tibbiyot instituti, “Bolalar jarrohligi” mutaxassisligi bo‘yicha klinik ordinatura. 1981–1983-yillar — Afg‘oniston Respublikasida Sovet Armiyasi safida harbiy xizmatni o‘tagan. Zaxiradagi tibbiy xizmat mayori. 1992–1993-yillar — Marg‘ilon shahar o‘quvchi yoshlar va o‘smirlar dispanserida bolalar jarrohi. 1993–2002-yillar — Farg‘ona harbiy garnizoni harbiy qismlarida mutaxassis shifokor va tibbiy xizmat boshlig‘i lavozimlarida faoliyat yuritgan. 2020-yil sentyabrdan hozirgi kunga qadar — “Umumiy jarrohlik” kafedrasida katta o‘qituvchi lavozimida faoliyat olib bormoqda. Davlat mukofotlari va faxriy Afg‘onistondagi harbiy xizmatlari uchun bir qator orden va medallar bilan taqdirlangan. Medallar: “Voin-internatsionalist”. “SSSR Qurolli Kuchlariga 70 yil”. “Afg‘on xalqi minnatdorchiligi”. “Jangovar harakatlar ishtirokchisi”. “Sovet qo‘shinlarining Afg‘onistondan chiqarilganiga 25 yil”. Ordenlar: “Sovet qo‘shinlarining Afg‘onistondan chiqarilganiga 30 yil”. “Afg‘on urushi faxriysi”. Sharapov I.K. hozirgi kunga qadar 10 dan ortiq xorijiy va respublika ilmiy jurnallarida chop etilgan maqolalar, xalqaro va respublika ilmiy-amaliy anjumanlarida maqola va tezislar muallifi hisoblanadi. Shuningdek, 1 ta o‘quv qo‘llanma, 1 ta monografiya hamda Scopus bazasida indekslangan 1 ta ilmiy maqola muallifidir.
Qosimov Sherzodbek Xursanali o‘g‘li
O‘qituvchi
“Umumiy jarrohlik” kafedrasi
“Umumiy jarrohlik” kafedrasi
Qosimov Sherzodbek Xursanali o‘g‘li 1995-yil 20-mayda Farg‘ona shahrida tug‘ilgan. 2014–2020-yillar — Toshkent tibbiyot akademiyasi Farg‘ona filiali, Tibbiy pedagogika yo‘nalishi (bakalavr). 2020–2023-yillar — Andijon davlat tibbiyot instituti, “Umumiy xirurgiya” yo‘nalishi (magistratura). 2023–2024-yillar — Farg‘ona jamoat salomatligi tibbiyot instituti, “Umumiy jarrohlik” kafedrasida o‘qituvchi. 2025-yil yanvar oyidan hozirgi kunga qadar — Farg‘ona jamoat salomatligi tibbiyot instituti, 14.00.15 — Patologik anatomiya ixtisosligi bo‘yicha tayanch doktorantura 1-bosqich tadqiqotchisi. Qosimov Sh.X. hozirgi kunga qadar 10 dan ortiq xorijiy va respublika ilmiy jurnallarida chop etilgan maqolalar, xalqaro va respublika ilmiy-amaliy anjumanlarida ma’ruza va tezislar muallifi hisoblanadi. Hozirda 14.00.15 — Patologik anatomiya va 14.00.27 — Xirurgiya ixtisosliklari bo‘yicha. “Oyoq vena qon tomirlari varikoz kengayishida jarrohlik davolash usullarini qo‘llashning patomorfologik asoslari” mavzusida pedagogika fanlari bo‘yicha falsafa doktori (PhD) ilmiy darajasini olish uchun ilmiy izlanishlar olib bormoqda.
Odilov Xurshid Akmaljon o‘g‘li
“Umumiy jarrohlik” kafedrasi Assistent
Odilov Xurshid Akmaljon o‘g‘li 1992-yil 25-iyulda Farg‘ona viloyati, Quva tumanida tug‘ilgan. 2013–2019-yillar — Andijon davlat tibbiyot instituti, Pediatriya yo‘nalishi (bakalavr). 2019–2022-yillar — Andijon davlat tibbiyot instituti, Bolalar jarrohligi yo‘nalishi (magistratura) 2022–2025-yillar — Farg‘ona jamoat salomatligi tibbiyot instituti, “Fiziologiya” kafedrasi o‘qituvchisi. 2025-yil sentyabr oyidan hozirgi kunga qadar — Farg‘ona jamoat salomatligi tibbiyot instituti, “Umumiy jarrohlik” kafedrasi assistenti. 2024-yil yanvar oyidan — Farg‘ona jamoat salomatligi tibbiyot instituti, 14.00.02 — Morfologiya ixtisosligi bo‘yicha mustaqil izlanuvchi. Hozirgi kunga qadar 18 dan ortiq xorijiy va respublika ilmiy jurnallarda chop etilgan maqolalar, xalqaro va respublika ilmiy-amaliy anjumanlarda maqola va tezislar muallifi hisoblanadi. Shuningdek, 1 ta Scopus indekslangan maqola va 1 ta monografiya muallifidir. Hozirda 14.00.02 — Morfologiya ixtisosligi bo‘yicha “Nefrolitiazni keltirib chiqaruvchi asosiy omillarning siydik yo‘llari morfofunksional holatiga ta’sir mexanizmlarini eksperimental asoslash” mavzusida tibbiyot fanlari bo‘yicha falsafa doktori (PhD) ilmiy darajasini olish uchun ilmiy izlanishlar olib bormoqda.
Abduraxmonov Niyozbek Xamdamjon o‘g‘li
“Umumiy jarrohlik” kafedrasi Assistent
Abduraxmonov Niyozbek Xamdamjon o‘g‘li 1994-yil 26-iyulda Farg‘ona viloyati, O‘zbekiston tumanida tug‘ilgan. 2016–2019-yillar - Andijon davlat tibbiyot instituti, Davolash ishi fakulteti (bakalavr). 2019–2022-yillar - Toshkent vrachlar malakasini oshirish instituti, Oftalmologiya yo‘nalishi bo‘yicha klinik ordinatura. 2023-yildan hozirgi kunga qadar - Farg‘ona jamoat salomatligi tibbiyot instituti, “Umumiy jarrohlik” kafedrasida assistent lavozimida faoliyat yuritmoqda. 2025-yil yanvar oyidan - Farg‘ona jamoat salomatligi tibbiyot instituti, 13.00.02 - Ta’lim va tarbiya nazariyasi va metodikasi ixtisosligi bo‘yicha doktorantura 1-bosqichiga mustaqil izlanuvchi sifatida qabul qilingan. Abduraxmonov N.X. hozirgi kunga qadar 10 dan ortiq xorijiy va respublika ilmiy jurnallarida chop etilgan maqolalar, xalqaro va respublika ilmiy-amaliy anjumanlarda maqola va tezislar muallifi hisoblanadi. Hozirda 13.00.02 — Ta’lim va tarbiya nazariyasi va metodikasi ixtisosligi bo‘yicha “Tibbiy ta’limda klinik holatlar orqali talabalarning diagnostika kompetensiyasini rivojlantirish texnologiyalari (oftalmologiyani o‘qitish misolida)” mavzusida pedagogika fanlari bo‘yicha falsafa doktori (PhD) ilmiy darajasini olish uchun ilmiy izlanishlar olib bormoqda.
Yuldashov Sarvarxon Akmaljon o‘g‘li
“Umumiy jarrohlik” kafedrasi Assistent
1991-yil 3-mayda Farg‘ona viloyati Oxunboboev (hozirgi Qo‘shtepa) tumanida tug‘ilgan. Millati — o‘zbek. Ma’lumoti — oliy. 2016-yilda Toshkent Tibbiyot Akademiyasining Davolash fakulteti bakalavriatini, 2022-yilda esa Toshkent Tibbiyot Akademiyasining “Oftalmologiya” yo‘nalishi bo‘yicha magistraturasini tamomlagan. Diplom bo‘yicha mutaxassisligi — umumiy amaliyot shifokori (UASH) va vrach-oftalmolog. Mehnat faoliyatini 2016-yil 5-avgustda Farg‘ona viloyati Qo‘shtepa tumani Tibbiyot birlashmasi Sarmazor QVPda umumiy amaliyot shifokori hamda tez tibbiy yordam bo‘limi chaqiruv shifokori sifatida boshlagan. 2022-yil 4-avgustdan buyon Respublika ixtisoslashtirilgan Ko‘z mikroxirurgiya ilmiy-amaliy tibbiyot markazi Farg‘ona filialida vrach-oftalmolog lavozimida faoliyat yuritib kelmoqda. 2023-yildan Toshkent Tibbiyot Akademiyasida 14.00.02 — Morfologiya va 14.00.08 — Oftalmologiya mutaxassisliklari bo‘yicha tayanch doktorant sifatida ilmiy izlanishlar olib bormoqda. 2026-yildan boshlab Farg‘ona Jamoat Salomatligi Tibbiyot Instituti “Umumiy xirurgiya” kafedrasida assistent lavozimida ishlamoqda. Hozirgi kunga qadar 20 dan ortiq xorijiy va respublika ilmiy jurnallarida maqolalar, xalqaro va respublika ilmiy-amaliy anjumanlarida maqola va tezislar muallifi. 1 ta uslubiy qo‘llanma nashr ettirgan. Chet tilini bilish darajasi — B2 (IELTS va CEFR). Hozirda tibbiyot fanlari bo‘yicha falsafa doktori (PhD) ilmiy darajasini olish uchun “Tireotoksikoz fonida ko‘z olmasining klinik-morfologik xususiyatlari” mavzusidagi dissertatsiya ishi ustida ish olib bormoqda va himoya bosqichida.
Abdumajidov Axrorjon Akramjon o‘g‘li
“Umumiy jarrohlik” kafedrasi Assistent
1992-yil 7-dekabrda Farg‘ona viloyati Beshariq tumanida tug‘ilgan. 2012–2018-yillarda Andijon davlat tibbiyot institutining Davolash ishi yo‘nalishi bo‘yicha bakalavriat bosqichini tamomlagan. 2019–2022-yillarda Farg‘ona jamoat salomatligi tibbiyot institutida umumiy xirurgiya mutaxassisligi bo‘yicha klinik ordinaturani muvaffaqiyatli yakunlagan. 2023-yildan buyon Farg‘ona jamoat salomatligi tibbiyot institutining “Umumiy jarrohlik” kafedrasida assistent lavozimida faoliyat yuritib kelmoqda. Ilmiy faoliyati va yutuqlari: Hozirgi kunga qadar 10 dan ortiq xorijiy va respublika ilmiy jurnallarida maqolalar, xalqaro va respublika ilmiy-amaliy anjumanlarida maqola va tezislar muallifi.
Karimov Nurullo Xabibullo o'g'li
Kafedra assistenti
1997-yil 22-fevralda Farg‘ona viloyati Dang‘ara tumanida tug‘ilgan. 2017-2023-yillar Andijon Davlat Tibbiyot Instituti pediatriya ishi yo‘nalishi bakalavr bosqichini tamomlagan. 2023-2025-yillarda Respublika Ixtisoslashgan Ko‘z Mikroxirurgiyasi Ilmiy Amaliy Tibbiyot Markazida oftalmologiya mutaxasisligi bo‘yicha klinik ordinaturani tamomlagan. 2025-yildan hozirgacha Farg‘ona Jamoat Salomatligi Tibbiyot Institutida “ Umumiy jarrohlik” kafedrasi oftalmolog o‘qituvchisi lavozimida ishlab kelmoqda. Hozirgi kunga qadar 10 dan ortiq xorijiy va respublika jurnallarida maqolalar, xalqaro va respublika ilmiy-amaliy anjumanlarida maqola va tezislar muallifi.
Xusanboyev Baxtiyor Xatamboy o'g'li
Kafedra assistenti
1994-yil 18-iyulda Farg‘ona viloyati Yozyovon tumanida tug‘ilgan. 2017-2023-yillar Andijon Davlat Tibbiyot Instituti Davolash ishi yo‘nalishi bakalavr bosqichini tamomlagan. 2023-2025-yillarda Tibbiyot xodimlari kasbiy malakasini rivojlantirish markazida oftalmologiya mutaxasisligi bo‘yicha klinik ordinaturani tamomlagan. 2026-yildan Farg‘ona Jamoat Salomatligi Tibbiyot Institutida “ Umumiy jarrohlik” kafedrasi oftalmolog o‘qituvchisi lavozimida ishlab kelmoqda. Hozirgi kunga qadar 10 dan ortiq xorijiy va respublika jurnallarida maqolalar, xalqaro va respublika ilmiy-amaliy anjumanlarida maqola va tezislar muallifi.
Umumiy jarroxlik kafedrasi o'quv va o'quv-metodik ishlari
Kafedrada Davolash ishi yo’nalishi 3, 4, 5-kurs talabalari uchun “Umumiy xirurgiya” Bolalar xirurgiyasi, Oftalmologiya fanlari, Pediatriya ishi yo’nalishi 3, 4, 5-kurs talabalari uchun “Umumiy xirurgiya” Bolalar xirurgiyasi, Oftalmologiya bolalar oftalmologiyasi, Oilaviy shifokorlikda xirurgik kasalliklar, Urologiya, bolalar urologiyasi fani, Tibbiy profilaktika ishi yo’nalishi 4-kurs talabalari uchun “Xirurgik kasalliklar” va Oftalmologiya fani, Xalq tabobati va Stomatologiya yo’nalishlari uchun Oftalmologiya fani. Xalqaro fakulteti Davolash ishi yo’nalishi 3, 4, 5-kurs talabalari uchun “Umumiy xirurgiya” Bolalar xirurgiyasi, Oftalmologiya fanlari, modul dasturi asosida o’tiladi. Kafedrada jami 38 ta klinik ordinator “Umumiy xirurgiya” “Bolalar xirurgiyasi” “Oftalmologiya” “Anesteziologiya va reanimatologiya” yo’nalishi bo’yicha tahsil oladi.
O’quv jarayonlari paytida Ertalabki tibbiy ko’rik; Shifokorlar yig’ilishi; Jarrohlik amaliyotiga doir ko‘nikmalar; Jarrohlik asboblari bilan ishlash qoidalari; chok qo‘yish texnikalari; yengil jarrohlik manipulyatsiyalarini bajarish tartiblari yuqori sifatdagi zamonaviy operatsiyalarda bevosita ishtirok etish. Talabalarga bosqichma-bosqich o‘rgatiladi.Operatsion xonalar barcha zarur tibbiy jihozlar bilan ta’minlangan bo‘lib, unda talabalar bilim olishi va klinik fikrlashi, bevosita bemorlar bilan ishlashi dars mashg’ulotlarini samarali, xavfsiz va sifatli o‘tishi uchun yetarli sharoitlar mavjud. Darslar bundan tashqari maxsus klinakalarda ham o‘tiladi, talabalar uchun mavzuga oid bemorlarni ko’rish, tibbiy tekshiruvlardan o’tkazish, opereratsiyalarda ishtirok etish uchun barcha sharoitlar mavjud.
XALQARO HAMKORLIK
Minsk shahridagi BGMU, Kursk shahridagi QDTU, Kuban davlat tibbiyot universiteti, Moskva shahridagi I.M. Sechenov nomidagi universitet hamda Qirg‘iziston tibbiyot universitetining jarrohlik kafedralari bilan barqaror hamkorlik yo‘lga qo‘yilgan. Ushbu hamkorlik doirasida xalqaro konferensiyalar, tanlovlar, vebinarlar va qo‘shma ta’lim loyihalari muntazam o‘tkazilib, akademik mobillik orqali tajribali mutaxassislar ma’ruza va amaliy mashg‘ulotlarga jalb etilmoqda. Kafedra professor-o‘qituvchilari hamkor OTMlarga malaka oshirish va stajirovkaga yuborilib, zamonaviy jarrohlik texnologiyalari hamda ta’lim metodlarini o‘zlashtirmoqda.
Xususan, Farg‘ona jamoat salomatligi tibbiyot institutining 5 nafar professor-o‘qituvchisi Al-Farobiy nomidagi Qozog‘iston Milliy universitetida amaliyot o‘tab, talabalar uchun ma’ruzalar o‘qidi va kelgusidagi qo‘shma loyihalar bo‘yicha kelishuvlarga erishdi. Shuningdek, yosh kadrlar malakasini oshirish maqsadida Azimova Gulnoza Ravshanovna va Odilov Xurshidjon Akmaljon o‘g‘li 2025-yil 14–25-iyul kunlari Daegu Haany Universityda 33 soatlik kursni muvaffaqiyatli yakunlab, xalqaro sertifikat oldi. Umuman, mazkur xalqaro tashriflar kafedraning ilmiy-pedagogik salohiyatini oshirish va ta’lim jarayoniga ilg‘or tajribalarni joriy etishda muhim ahamiyat kasb etadi.
