Русский
English.png){kind=logo}
Tibbiy va biologik kimyo kafedrasi
Kafedra tarixi
Kafedra 1993 yilda Farg‘ona Davlat Unisversiteti qoshidagi Tibbiyot markazida “Tibbiy biologiya va kimyo” kafedrasi nomi bilan shakillantirilgan. Unga dastlab, 1994-1998 yillarda b.f.n. dotsent N.Karimov raxbarlik qilgan, 1998 yilda kafedra “Biofizika va biokimyo” kafedrasi nomini oldi va 1998-2012 yillar davomida fizika, matematika fanlari doktori, professor, M.Qoraboev mudirlik qilgan. 2012-2016 yillar davomida kafedraga P.Q.Igamberdieva, so‘ngra 2016 yildan esa katta o‘qituvchi A. A. Abdumannonov 2020 yildan kafedra “Kimyo va biologiya” deb ataldi va unga dotsent M.A. Marupova mudir etib tayinlandi. 2021 o‘quv yilidan kafedra “Tibbiy va biologik kimyo” deb ataldi. 2025-yildan kafedraga k.f.f.d. N. Dexkanova mudirlik qilib kelmoqda.
Kafedrada Bakalavriat va Magistratura yo`nalishlari uchun quyidagi fanlar o‘qitiladi:
Tibbiy kimyo
Biologik kimyo
Organik kimyo
Fizik va kolloid kimyo
Analitik kimyo
Toksikologik kimyo
Noorganik kimyo
Dexkanova Nigora Namanjanovna.
1976-yilda Qirg‘iziston Respublikasi Osh viloyatida tug‘ilgan. 1993–1998-yillarda Farg‘ona davlat universitetida tahsil olgan. Mehnat faoliyatini 1999-yilda Farg‘ona tumani 24-maktabida kimyo fani o‘qituvchisi sifatida boshlagan. 2012-yilda Pedagog kadrlarning malakasini oshirish va qayta tayyorlash institutida o‘qituvchi, 2013-yilda Farg‘ona shahar 42-maktabda, 2018-yilda Farg‘ona shahar 14-maktabda kimyo fani o‘qituvchisi bo‘lib ishlagan.2019-yilda Toshkent tibbiyot akademiyasi Farg‘ona filialida kimyo fanidan tashqi o‘rindosh o‘qituvchi sifatida faoliyat yuritgan. 2020-yil 2-sentyabrdan Farg‘ona jamoat salomatligi tibbiyot instituti “Tibbiy va biologik kimyo” kafedrasida assistent, 2025-yildan esa kafedra mudiri lavozimida ishlamoqda. O‘zbekiston Fanlar akademiyasi Umumiy va noorganik kimyo instituti professori Abduraxmonov Eldor Baratovich rahbarligida “X tipidagi seolitlarda oltingugurtli birikma molekulalari adsorbsiyasi energetikasi” mavzusida kimyo fanlari bo‘yicha falsafa doktori (PhD) dissertatsiyasini himoya qilgan. Ilmiy ishlari natijalari asosida 38 ta maqola va tezislar chop ettirgan, shuningdek 2 ta o‘quv-uslubiy qo‘llanma muallifi.
Izatulla Raxmatullayev
Farg‘ona jamoat salomatligi tibbiyot instituti faxriy professori, kimyo fanlari nomzodi, dotsent. Uning ilmiy yo‘nalishi uglevod hosilali fiziologik faol geterotsikllarni sintez qilish va ularning xossalarini o‘rganishga qaratilgan bo‘lib, tadqiqotlarini aspirantlik davrida Latviya Fanlar Akademiyasi Organik sintez institutida akademik M.Yu. Lidak rahbarligidagi “Dorivor moddalar sintezi” laboratoriyasida olib borgan. Ilmiy faoliyati davomida 200 dan ortiq moddalar sintez qilgan, shulardan 64 tasi uglevod hosilali geterotsikllar sifatida birinchi marta sintez qilingan va VNII po BIXS (Moskva) ro‘yxatidan o‘tkazilib, mualliflik spravkalari olingan. Tadqiqotlari natijasida 600 dan ortiq ilmiy maqola va tezislar e’lon qilgan bo‘lib, ularning 256 tasi Rossiya, Latviya, Polsha, Kanada, Tojikiston, Qirg‘iziston va Hindiston kabi xorijiy nashrlarda chop etilgan. U D.I.Mendeleev nomidagi kimyogarlar jamiyati tanlovida “2-atsetilaminbenzimidazol sintezi va uning antigelmint xossalarini o‘rganish” mavzusidagi ishi bilan qatnashib II-darajali diplom va pul mukofotiga sazovor bo‘lgan. Shuningdek, 2023-yil 22-oktyabrda MDH miqyosidagi xalqaro ilmiy-amaliy ko‘rik-tanlovda faxrli 1-o‘rin uchun “Faol tadqiqotchi” ko‘krak nishoni bilan taqdirlangan.Ko‘p yillik pedagogik tajribaga ega mutaxassis sifatida kimyo va biokimyo fanlari bo‘yicha talabalar uchun 30 ga yaqin o‘quv va o‘quv-uslubiy qo‘llanmalar tayyorlagan. I. Raxmatullaev O‘zbekiston Respublikasi Mustaqilligining 15 yilligi ko‘krak nishoni bilan ham taqdirlangan.
Marupova Manzura Aminovna (dotsent)
M.A. Marupova — kimyo va biologiya fani o‘qituvchisi, biologiya fanlari nomzodi, Farg‘ona jamoat salomatligi tibbiyot instituti “Tibbiy va biologik kimyo” kafedrasi dotsenti. 1957-yil 14-mayda Farg‘ona viloyati Buvayda tumanida tug‘ilgan. 1979-yilda Farg‘ona davlat pedagogika institutining Tabiiy fanlar fakultetini tamomlagan, mutaxassisligi — kimyo-biologiya.2018-yildan institutda faoliyat yuritib, dastlab kafedra dotsenti va kafedra mudiri lavozimlarida ishlagan, hozirda kafedra dotsenti sifatida faoliyat olib bormoqda. Ilmiy-pedagogik tajribasi 45 yil. 1986-yilda “Бактериоз хлопчатника и меры борьбы с ним” mavzusida nomzodlik dissertatsiyasini himoya qilgan. Faoliyati davomida 50 dan ortiq maqola, 100 dan ortiq tezis, shuningdek monografiya, darslik va ko‘plab o‘quv qo‘llanmalar chop ettirgan.
Axadjonov Mavlonjon Maxmudjon o‘g‘li
Farg‘ona jamoat salomatligi tibbiyot instituti “Tibbiy va biologik kimyo” kafedrasi katta o‘qituvchisi. 1991-yil 3-dekabrda Farg‘ona viloyat O‘zbekiston tumanida tug‘ilgan. 2014-yil Farg‘ona davlat universiteti Kimyo yo‘nalishini, 2016-yil Farg‘ona davlat universiteti Materiallar va moddalar kimyosi mutaxassisligi bo‘yicha magistraturani tugatgan. Farg‘ona jamoat salomatligi tibbiyot institutida 2016-yildan boshlab faoliyat olib bormoqda. M.M.Axadjonov ilmiy-pedagogik faoliyati 6 yil, shu bilan birga pedagog faoliyatida 10 yildan ortiq tajribaga ega. U o‘zining faoliyati davomida 20 dan ortiq maqola va 25 dan ortiq tezislar muallifi.
Nazarova Yorqinoy Xalpajonovna
Kimyogar, kimyo fani o‘qituvchisi. Farg‘ona Jamoat salomatligi tibbiyot instituti Xotin-qizlar masalalari bo‘yicha rektor maslahatchisi, “Tibbiy va biologik kimyo” kafedrasi assistenti. 1975-yil 15-fevralda Farg‘ona viloyati, O‘zbekiston tumanida tug‘ilgan. 1998-yil Farg’ona Davlat Universitetining Kimyo fakultetini tamomlagan. Maʼlumoti bo‘yicha mutaxassisligi: kimyogar, kimyo fani o‘qituvchisi. Y.X.Nazarova, ilmiy–pedagogik faoliyat bo‘yicha qariyib 27 yillik tajribaga ega bo‘lgan pedagog. Hozirgi kunda Kimyo fanlari bo‘yicha falsafa doktori (PhD) ilmiy darajasini olish uchun “Juglans regia, prunus persica chiqindilari asosida insektitsid va oziq-ovqat qo‘shilmalari olish” mavzusida ilmiy ish olib bormoqda. U o‘zining faoliyati davomida 20 dan ortiq maqolalar, 60 dan ortiq tezislar, monografiya va o‘quv-uslubiy qo‘llanmalar chop ettirgan.
Jo‘rayev Aziz Turob o‘g‘li
Pedagogika fanlari bo‘yicha falsafa doktori (PhD), dotesent. Farg‘ona jamoat salomatligi tibbiyot instituti “Tibbiy va biologik kimyo” kafedrasi dotsenti. 1994-yil 22-yanvarda Buxoro viloyat Jondor tumanida tug’ilgan. 2020-yil Buxoro davlat universiteti Kimyo yo‘nalishuini, 2022-yil Kimyo mutaxassisliginini tugatgan. Ma’lumoti bo‘yicha mutaxassisligi: Kimyogar: tadqiqotchi-pedagog. Farg‘ona jamoat salomatligi tibbiyot institutida 2025-yildan boshlab faoliyat olib bormoqda. A.T. Jo‘rayev ilmiy-pedagogik faoliyati 8 yil, shu bilan birga kimyo laboratoriyasida 10 yildan ortiq tajribaga ega. 2025-yilda “Organik kimyo fanini o‘qitishda talabalarning o‘quv bilish faoliyatini rivojlantirish metodikasi” mavzusida falsafa doktori (PhD) dissertatsiyasini muvaffaqiyatli himoya qilgan. U o‘zining faoliyati davomida 5 ta darslik. 2 ta elektron darslik, 4 ta o‘quv qo‘llanma, 2 ta monografiya, 1 ta izohli lug’at, 20 dan ortiq maqola va 30 dan ortiq tezislar muallifi.
Abdurazakova Iqbolxon Abduraxmonovna
Farg‘ona jamoat salomatligi tibbiyot instituti “Tibbiy va biologik kimyo” kafedrasi assistenti. 1980-yil 5-oktyabrda Farg‘ona viloyat O‘zbekiston tumanida tug‘ilgan. 1998-yil Qo‘qon davlat instituti Kimyo-biologiya yo‘nalishuini, 2007-yil Farg‘ona davlat universiteti Odam v hayvonlar fiziologiyasi mutaxassisligi bo‘yicha magistraturani tugatgan. Farg‘ona jamoat salomatligi tibbiyot institutida 2022-yildan boshlab faoliyat olib bormoqda. A.I.Abdurazakova ilmiy-pedagogik faoliyati 4 yil, shu bilan birga pedagog faoliyatida 15 yildan ortiq tajribaga ega. U o‘zining faoliyati davomida 2 ta monografiya, 20 dan ortiq maqola va 25 dan ortiq tezislar muallifi.
Sultanov Bexzad Sardorovich
Farg‘ona jamoat salomatligi tibbiyot instituti “Tibbiy va biologik kimyo” kafedrasi assistenti. 1984-yil 2-aprelda Ukraina, Slavuta shahrida tug‘ilgan. 2006-yil Toshkent davlat texnika universiteti Neft va gaz qayta ishlash texnologiyasi yo‘nalishini, 2022-yil Farg‘ona politexnika instituti “Kimyo texnologiyasi” mutaxassisligi bo‘yicha magistraturani tugatgan. Farg‘ona jamoat salomatligi tibbiyot institutida 2022-yildan boshlab faoliyat olib bormoqda. B.S.Sultanov ilmiy-pedagogik faoliyati 4 yil. U o‘zining faoliyati davomida 1ta monografiya, 10 dan ortiq maqola va 20 dan ortiq tezislar muallifi.
O‘rmonov Dadaxon G‘olibjon o‘g‘li
Farg‘ona jamoat salomatligi tibbiyot instituti “Tibbiy va biologik kimyo” kafedrasi assistenti. 1992-yil 17-dekabrda Farg‘ona viloyati Yozyovon tumanida tug‘ilgan. 2014-yil Farg‘ona davlat universiteti Kimyo yo‘nalishini, 2021-yil Rossiya Federatsiyasi Novosibirsk davlat universiteti Kimyo mutaxassisligi bo‘yicha magistraturani tugatgan. Farg‘ona jamoat salomatligi tibbiyot institutida 2021-yildan boshlab faoliyat olib bormoqda. U o‘zining faoliyati davomida 1 ta o‘quv qo‘llanma, 20 dan ortiq maqola va tezislar nashr etgan.
Kafedraning ilmiy-tadqiqot ishlari
Xalqaro fakultetining “Tibbiy va biologik kimyo” kafedrasida 22 nafar xodim faoliyat yuritadi. Kafedra jamoasi universitet ilmiy-tadqiqot ishlarida faol ishtirok etadi. Hozirgi kunda kafedrada 1 nafar DSc izlanuvchi (N. Dexkanova), 4 nafar PhD tayanch doktorant (D. O‘rmonov, B. Sultanov, S. Dadajonova, I. Abdurazakova) hamda 5 nafar mustaqil izlanuvchi (Yo. Nazarova, M. Axadjonov, M. Xamroqulov, R. Nazirtasheva, G. Rafiqjonova) ilmiy izlanishlar olib bormoqda. Kafedraning ilmiy-tadqiqot yo‘nalishlari yosh avlodni mustaqillik g‘oyalariga sadoqat ruhida tarbiyalash, huquqiy madaniyatni shakllantirish, zamonaviy tibbiyot fanining dolzarb masalalari hamda O‘zbekiston davlatchiligi tarixining ayrim jihatlarini o‘rganishga qaratilgan. Kafedra mudiri boshchiligida ilmiy faoliyatga doimiy e’tibor berilib, xodimlar muntazam tadqiqotlar orqali bilim va salohiyatini oshirib bormoqda. So‘nggi 5 yil davomida kafedra xodimlari tomonidan 200 dan ortiq ilmiy ishlar nashr etilgan. Jumladan: 2 ta o‘quv qo‘llanma, 5 ta monografiya, respublika va xalqaro jurnallarda 100 dan ortiq maqola, shuningdek 20 ga yaqin o‘quv-uslubiy qo‘llanma hamda uslubiy tavsiyanomalar chop etilgan. Ushbu nashrlar tibbiyot talabalari uchun qo‘shimcha adabiyot sifatida keng foydalanilmoqda.
02.00.10 Bioorganik kimyo ixtisosligidan O‘rmonov Dadaxon G‘olibjon o‘g‘lining “Farg‘ona vodiysi florasidagi Limonium otolepis va Limonium ferganense turlarining kimyoviy tarkibi hamda biologik faolligi” mavzusida PhD Ilmiy darajasi olish uchun doktorlik himoyasidan.
Kafedra ma‘naviy-ma‘rifiy ishlari
Xalqaro hamkorlik
“Tibbiy va biologik kimyo” kafedrasi Qozog‘istonning Al-Farobi nomidagi Qozoq milliy universiteti, Muxtor Avezov nomidagi janubiy Qozog‘iston universitetlari Tibbiyot fakultetlari bilan mustahkam aloqalar o‘rnatgan bo’lib, ilmiy hamkorlik qilib kelmoqda. Shuningdek, Rossiya Federatsiyasi Qozon federal universiteti Kimyo fakultetiga Innovatsiya agentligi homiyligida Kafedra balansidagi laboratoriya jihozlaridan foydalanish bo‘yicha stajirovka o‘tash rejalashtirilgan.
Tibbiy va biologik kimyo kafedrasi qoshida “Yosh kimyogar” to’garagi faoliyati
Klinik fikrlashga doir video darslar
Video darslarni ko'rish uchun mavzuni tanlab ustiga bosing.
- Folate and Vitamin B12
- Glucose
- Fructose and Galactose
- TCA Cycle
- HMP Shunt
- Amino Acids
- Gluconeogenesis
- B Vitamins
- DNA Structure
- Inborn Errors of Metabolism
- Purine Metabolism
- Ammonia
- Pyruvate Dehydrogenase
- Hyperlipidemia
- Other Amino Acids
- Phenylalanine and Tyrosine
- Glycogen
- Pyrimidine Metabolism
- Electron Transport Chain
- Other Vitamins
- Fatty Acids
- Lipid Drugs
- Glycolysis
- Lipid
