Ustoz va murabbiylar kuni

Ustoz va murabbiylar kuniga bagʻishlangan tantanali bayram tadbiri bo'lib o'tdi Fargʻona jamoat salomatligi tibbiyot institutining jonkuyar professor-oʻqituvchilari va  ishchi-xodimlari uchun "Shoxsaroy" tantanalar majmuasida sana munosabati bilan tantanali bayram tadbiri oʻtkazildi. Bayramni institutimiz rektori, professor Akmal Sidikov ochib berar ekan, barcha ustoz-murabbiylarni chin yurakdan tabriklab, ularning fidokorona xizmatlarini e'tirof etdi. "Ustoz-murabbiylarni qancha ardoqlab, ularga qulluq qilsak arziydi. Sababi, ular bilim va koʻnikmalarimizni yuqori cho'qqilarga eltuvchi katta kuchdir. Sizlar borki, hayotimiz nurafshon, ilm chiroqlari doimo yoniq", — deydi institut rektori. Tadbir avvalida tibbiy ta'lim yo'lida ko’rsatgan fidokorona xizmatlari hamda o’z faoliyati doirasidagi ijobiy natijalari uchun oliygohimizning bir qator zahmatkash o’qituvchilari pul mukofotlari uchun maxsus sertifikat va esdalik sovgʻalari bilan taqdirlandi.