Oliy ta’lim, fan va innovatsiyalar vazirligi

Farg‘ona jamoat salomatligi tibbiyot institutiga Oliy ta’lim, fan va innovatsiyalar vazirligi mas’ul xodimi X.Eshov boshchiligidagi ishchi guruh tashrif buyurdi.

Tashrif davomida ishchi guruh institutdagi yoshlar bilan ishlash jarayonlari, talabalar turmush tarzi, ularning ta’lim olishi va bo‘sh vaqtini samarali tashkil etish borasida amalga oshirilayotgan ishlarni o‘rgandi. Shuningdek, ma’naviy-ma’rifiy yo‘nalishdagi tadbirlar samaradorligi, talabalarning intellektual va madaniy rivojlanishiga qaratilgan loyihalar holati muhokama qilindi.