Klinik o'quv markazi faoliyatini boshladi

Yangi o'quv yili Farg'ona jamoat salomatligi tibbiyot instituti jamoasi uchun ham, talabalari uchun ham xush habarlar bilan boshlandi.

30-sentabr institut faoliyatidagi tarihiy sanalardan biriga aylandi. Sababi shu kuni Farg'ona jamoat salomatligi tibbiyot institutining yangi ta'mirlangan, zamonaviy jihozlar bilan boyitilgan, tibbiyot sohasiga doir eng so'nggi texnologiyalar ega klinik o'quv markazi viloyat yuqumli kasalliklar shifoxonasi qoshida o'z ish faoliyatini boshladi. Endilikda talabalar tibbiyot sohasida o'zlashtirib kelayotgan nazariy bilimlarini amaliyot bilan birgalikda olib borish, shuning bilan, bilimlarini mustahkamlash orqali o'z kasblari bo'yicha ilmiy izlanishlar olib borish imkoniga ega bo'ldilar.