Kelajakka qadam

Farg‘ona jamoat salomatligi tibbiyot institutida 2025/2026-o‘quv yili bitiruvchilarini ish bilan ta’minlash va kasbiy faoliyatga yo‘naltirish maqsadida “Kelajakka qadam” dasturi doirasida uchrashuv tashkil etildi.

Unda Davolash ishi, Tibbiy profilaktika va jamoat salomatligi hamda Pediatriya fakultetlari bitiruvchi talabalari ishtirok etdi. Tadbir davomida “O‘zMilliybank” AJ vakillari dastur doirasidagi imkoniyatlar, yoshlarni qo‘llab-quvvatlash mexanizmlari hamda bandlik masalalari yuzasidan batafsil ma’lumot berdilar. Shuningdek, talabalarga kasbiy faoliyatni rejalashtirish va mehnat bozorida muvaffaqiyatli faoliyat yuritish bo‘yicha amaliy tavsiyalar berildi.