Ilmiy kengash axborotnomasi

Farg‘ona jamoat salomatligi tibbiyot institutida 2025–2026-o‘quv yilining dastlabki Ilmiy kengash yig‘ilishi bo‘lib o‘tdi. Mazkur yig‘ilishda institutning yangi davrdagi ustuvor vazifalari, ta’lim va ilmiy jarayonlarni modernizatsiya qilish masalalari keng muhokama qilindi. Bugungi kunda dunyo miqyosida ta’lim sohasi hamda tibbiyot tizimi chuqur raqamlashtirish jarayonini boshdan kechirmoqda. Shunday bir sharoitda ilmiy kengashlarning faoliyati oliy ta’lim muassasalari oldida turgan dolzarb muammolarga ilmiy asoslangan yechimlar topishda beqiyos ahamiyat kasb etadi.

Yig‘ilish avvalida institut rektori, professor Akmal Sidikov barchani O‘zbekiston Respublikasi Mustaqillik bayrami bilan tabriklab, ta’lim va ilmiy faoliyatni rivojlantirishdagi fidokorona mehnatlari uchun bir guruh professor-o‘qituvchilarga ilmiy darajalar va ilmiy unvonlarni tantanali ravishda topshirdi. Ushbu jarayon nafaqat o‘qituvchilarning fidoyiligini e’tirof etish, balki talaba-yoshlarni ilmga intilish va halol mehnatga rag‘batlantirish ramzi sifatida alohida ahamiyat kasb etdi.

Ustuvor vazifalar

Ilmiy kengash raisi A. Sidikov tomonidan yangi o‘quv yilida institut rivojiga oid ustuvor yo‘nalishlar belgilab berildi. Xususan:

Shuningdek, institutning har bir kafedrasi oldiga o‘ziga xos individual vazifalar qo‘yildi. Bu esa nafaqat o‘quv jarayonlarini, balki ilmiy-tadqiqot ishlarini ham tizimli rivojlantirishga xizmat qiladi.

Ilmiy ishlar va innovatsiyalar bo‘yicha prorektor, professor Munira Kadirova institutning ilmiy salohiyatini oshirish, innovatsion loyihalarni kengaytirish va tibbiyot fanidagi yangi yutuqlarni o‘quv jarayoniga tatbiq etish zarurligini alohida ta’kidladi. O‘quv ishlari bo‘yicha prorektor Ulug‘bek Boltaboyev esa yangi o‘quv yilida ta’lim sifatini oshirish, talabalarga individual yondashuvni kuchaytirish va ilg‘or pedagogik metodlarni amaliyotga tatbiq etish bo‘yicha rejalarni taqdim etdi.

Yig‘ilish davomida kengash a’zolari institutning istiqboldagi faoliyatiga oid qator savollar bilan murojaat qildilar. Har bir savolga ilmiy asoslangan javoblar berildi. Muhokamalar natijasida ta’lim va ilmiy jarayonlarni yanada takomillashtirishga qaratilgan bir qator amaliy takliflar ilgari surildi.

Farg‘ona jamoat salomatligi tibbiyot institutining 2025–2026-o‘quv yiliga mo‘ljallangan Ilmiy kengash yig‘ilishi ta’lim tizimini raqamlashtirish, xalqaro standartlarga mos kadrlar tayyorlash va ilmiy salohiyatni oshirishga qaratilgan aniq vazifalarni belgilab berdi. Ushbu yig‘ilish institutning yangi davr taraqqiyotidagi muhim bosqich sifatida tarixda qolishi shubhasizdir.