Milliy qadriyatlar — ma’naviyatimiz poydevori

Milliy qadriyatlar har bir xalqning tarixiy taraqqiyoti, ma’naviy olami, turmush tarzi va ijtimoiy tafakkurining ajralmas bir qismidir. Ular avloddan avlodga o‘tib kelayotgan urf-odatlar, an’analar, til, din, madaniyat, axloq-odob me’yorlari kabi hayotiy mezonlarni o‘z ichiga oladi. Farg‘ona jamoat salomatligi tibbiyot instituti kabi ilmiy-ma’rifiy maskanlarda milliy qadriyatlarni asrash va ularni yoshlar ongiga singdirish dolzarb ahamiyatga ega. 

Milliy qadriyatlar va ularning tarkibiy qismlari

Milliy qadriyatlar keng tushuncha bo‘lib, quyidagilarni o‘z ichiga oladi:

Til va adabiyot — xalqning o‘zligini ifodalovchi asosiy omil. O‘zbek tilining boyligi va adabiy merosimiz (Alisher Navoiy, Bobur, Furqat) milliy o‘zligimizning ko‘zgusidir.

Madaniyat va san’at — milliy musiqalar, raqslar, amaliy san’at turlari (do‘ppi tikish, ganchkori, zardo‘zlik) xalq ruhiyatini yuksaltiradi.

Din va e’tiqod — xalqning axloqiy hayotida muhim rol o‘ynaydi. Islom dinining insonparvarlik, halollik, poklik, mehr-shafqatga asoslangan qadriyatlari jamiyatda sog‘lom ijtimoiy muhitni shakllantiradi.

Urf-odatlar va an’analar — to‘ylar, hayitlar, navro‘z, osh berish kabi marosimlar xalqni birlashtiruvchi kuchdir.

Oila va tarbiya — oila institutining mustahkamligi, katta-kichikka hurmat, vatanparvarlik kabi qadriyatlar farzand tarbiyasida asosiy rol o‘ynaydi.

Farg‘ona jamoat salomatligi tibbiyot institutida o‘qiyotgan talabalar uchun milliy qadriyatlarni o‘rganish nafaqat ma’naviy boylik, balki kasbiy mahoratning ham bir qismidir. Quyidagilar bunga misol bo‘la oladi:

Tibbiy etikaga hurmat — o‘zbek xalqining qadimiy insonparvarlik an’analari shifokorlik kasbining etik tamoyillari bilan uyg‘unlashgan.

Keksalarga ehtirom — qadimdan keksa bemorlarga alohida e’tibor berish, ularga xizmat qilish muqaddas burch hisoblangan.

Milliy an’anaviy tabobat — xalq tabobati, dorivor o‘simliklar bilan davolash usullari, issiq muolajalar (masalan, hammom, pilik tortish) milliy tibbiyot merosining ajralmas qismlaridandir.

Tozalik va gigiyena — diniy e’tiqodda va xalqona tarbiyada poklik alohida o‘rin egallaydi, bu esa sog‘lom turmush tarziga olib keladi.